호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ Ῥόδιοι θεωροῦντεσ τοῦ Δημητρίου τὴν πᾶσαν ἐπιβολὴν οὖσαν ἐπὶ τὸν λιμένα καὶ αὐτοὶ τὰ πρὸσ τὴν ἀσφάλειαν τούτου παρεσκευάζοντο. δύο μὲν οὖν ἔστησαν μηχανὰσ ἐπὶ τοῦ χώματοσ, τρεῖσ δ’ ἐπὶ φορτηγῶν πλοίων πλησίον τῶν κλείθρων τοῦ μικροῦ λιμένοσ· ἐν δὲ ταύταισ ἔθηκαν πλῆθοσ ὀξυβελῶν καὶ πετροβόλων παντοίων τοῖσ μεγέθεσιν, ὅπωσ, ἐάν τε ἀποβιβάζωσιν οἱ πολέμιοι πρὸσ τὸ χῶμα στρατιώτασ ἄν τε τὰσ μηχανὰσ προσάγωσι, διὰ τούτων αὐτοὺσ εἴργεσθαι τῆσ ἐπιβολῆσ. ἐπέστησαν δὲ καὶ τοῖσ ὁρμοῦσι τῶν φορτηγῶν πλοίων ἐν τῷ λιμένι βελοστάσεισ οἰκείασ τοῖσ ἐπιτίθεσθαι μέλλουσι καταπέλταισ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기