헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 75)

Πτολεμαῖοσ δὲ προκατειληφὼσ τοὺσ εὐκαιροτάτουσ τόπουσ ἀσφαλέσι φυλακαῖσ ἀπέστειλέν τινασ ἐν τοῖσ κοντωτοῖσ, παρακελευσάμενοσ προσπλεῖν πλησίον τῆσ ἐκβάσεωσ καὶ κηρύττειν ὅτι δώσει τοῖσ μεταβαλομένοισ ἀπ’ Ἀντιγόνου τῶν μὲν ἰδιωτῶν ἑκάστοισ δύο μνᾶσ, τοῖσ δ’ ἐφ’ ἡγεμονίασ τεταγμένοισ τάλαντον. γενομένων οὖν τῶν κηρυγμάτων τοιούτων ἐνέπεσέ τισ ὁρμὴ πρὸσ μετάθεσιν τοῖσ μετ’ Ἀντιγόνου μισθοφόροισ, ἐν οἷσ καὶ τῶν ἡγεμόνων πλείουσ προθύμουσ εἶναι συνέβαινε δι’ αἰτίασ τινὰσ εἰσ τὸ μεταβολῆσ ἐπιθυμεῖν.

πολλῶν δὲ πρὸσ αὐτὸν αὐτομολούντων ὁ μὲν Ἀντίγονοσ ἐπιστήσασ τῷ χείλει τοῦ ποταμοῦ τοξότασ καὶ σφενδονήτασ καὶ πολλὰ τῶν ὀξυβελικῶν τοὺσ προσπλέοντασ ἐν τοῖσ κοντωτοῖσ ἀνέστελλε·

τῶν δ’ αὐτομολούντων συλλαβών τινασ δεινῶσ ᾐκίσατο, βουλόμενοσ καταπλήξασθαι τοὺσ τῆσ ὁμοίασ ὁρμῆσ ἀντεχομένουσ. καὶ προσλαβὼν τὰ καθυστεροῦντα τῶν σκαφῶν προσέπλευσεν ἐπὶ τὸ καλούμενον Ψευδόστομον, νομίζων ἐνταῦθα δυνήσεσθαί τινασ τῶν στρατιωτῶν ἀποβιβάσαι.

εὑρὼν δὲ πρὸσ αὐτῷ φυλακὴν ἰσχυρὰν καὶ τοῖσ τε ὀξυβελέσι καὶ τοῖσ ἄλλοισ παντοίοισ βέλεσιν ἀνειργόμενοσ ἀπέπλευσε περικαταλαμβανούσησ νυκτόσ. ἔπειτα παραγγείλασ τοῖσ κυβερνήταισ ἀκολουθεῖν τῇ στρατηγίδι νηὶ προσέχοντασ τῷ λαμπτῆρι προσέπλευσεν ἐπὶ τὸ στόμα τοῦ Νείλου τὸ καλούμενον Φατνιτικόν·

ἡμέρασ δὲ γενομένησ, ἐπειδὴ πολλαὶ τῶν νεῶν ἀπεπλανήθησαν, ἠναγκάσθη ταύτασ περιμένειν καὶ τὰσ μάλιστα ταχυναυτούσασ τῶν ἠκολουθηκυιῶν ἐξαποστέλλειν ἐπὶ τὴν τούτων ζήτησιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 75

(디오도로스 시켈로스, Bibliotheca Historica, Books XVIII-XX, book 20, chapter 75)

상위

목록

SEARCH

MENU NAVIGATION