Diodorus Siculus, Bibliotheca Historica, Books XVIII-XX, book 20, chapter 83

(디오도로스 시켈로스, Bibliotheca Historica, Books XVIII-XX, book 20, chapter 83)

ὁ μὲν οὖν Δημήτριοσ ὥσπερ εἴσ τινα ναυμαχίαν ἐκτάξασ τὸν στόλον καταπληκτικῶσ προηγεῖσθαι μὲν ἐποίησε τὰσ μακρὰσ ναῦσ, ἐχούσασ ἐπὶ ταῖσ πρῴραισ τοὺσ τρισπιθάμουσ τῶν ὀξυβελῶν, ἐπακολουθεῖν δὲ τὰσ στρατιωτικὰσ καὶ τὰσ ἱππηγοὺσ ῥυμουλκουμένασ ὑπὸ τῶν ταῖσ εἰρεσίαισ χρωμένων, ἐπὶ πᾶσι δὲ καὶ τὰ τῶν πειρατῶν πόρια καὶ τὰ τῶν ἐμπόρων καὶ ἀγοραίων, ὑπεράγοντα τῷ πλήθει, καθάπερ προείρηται, ὥστε πάντα τὸν ἀνὰ μέσον τόπον τῆσ τε νήσου καὶ τῆσ ἀντικειμένησ παραλίασ συμπεπληρωμένον φαίνεσθαι τοῖσ πλοίοισ καὶ πολὺν φόβον καὶ κατάπληξιν παρέχεσθαι τοῖσ ἀπὸ τῆσ πόλεωσ θεωροῦσιν. οἱ μὲν γὰρ στρατιῶται τῶν Ῥοδίων διειληφότεσ τὰ τείχη τὸν ἐπίπλουν ἐκαραδόκουν τῶν πολεμίων, πρεσβῦται δὲ καὶ γυναῖκεσ ἀπὸ τῶν οἰκιῶν ἀφεώρων, οὔσησ τῆσ πόλεωσ θεατροειδοῦσ, πάντεσ δὲ τό τε μέγεθοσ τοῦ στόλου καὶ τὴν αὐγὴν τῶν ἀποστιλβόντων ὅπλων καταπληττόμενοι περὶ τῶν ὅλων οὐ μετρίωσ ἠγωνίων.

εἶθ’ ὁ μὲν Δημήτριοσ κατέπλευσεν εἰσ τὴν νῆσον, ἀποβιβάσασ δὲ τὴν δύναμιν κατεστρατοπέδευσεν πλησίον τῆσ πόλεωσ, ἐκτὸσ βέλουσ ποιησάμενοσ τὴν παρεμβολήν.

εὐθὺσ δὲ τῶν πειρατῶν καὶ τῶν ἄλλων τοὺσ εὐθέτουσ ἐξέπεμψε πορθήσοντασ τὴν νῆσον καὶ κατὰ γῆν καὶ κατὰ θάλατταν. ἐδενδροτόμησε δὲ καὶ τὴν πλησίον χώραν καὶ καθεῖλε τὰσ ἐπαύλεισ, ἐξ ὧν ὠχύρωσε τὴν στρατοπεδείαν, περιλαβὼν τριπλῷ χάρακι καὶ σταυρώμασι πυκνοῖσ καὶ μεγάλοισ, ὥστε τὴν τῶν πολεμίων βλάβην γίνεσθαι τῶν ἰδίων ἀσφάλειαν.

μετὰ δὲ ταῦτα πάσῃ τῇ δυνάμει καὶ τοῖσ πληρώμασιν ἔχωσεν ἐν ὀλίγαισ ἡμέραισ τὸ μεταξὺ τῆσ πόλεωσ διαλεῖπον πρὸσ τὴν ἔκβασιν καὶ κατεσκεύασε λιμένα ταῖσ ναυσὶν ἀρκοῦντα.

일치하는 문장이 없습니다.

SEARCH

MENU NAVIGATION