Diodorus Siculus, Bibliotheca Historica, Books XVIII-XX, book 20, chapter 73

(디오도로스 시켈로스, Bibliotheca Historica, Books XVIII-XX, book 20, chapter 73)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχε Κόροιβοσ, ἐν Ῥώμῃ δὲ τὴν ὕπατον ἀρχὴν παρέλαβον Κόιντοσ Μάρκιοσ καὶ Πόπλιοσ Κορνήλιοσ. ἐπὶ δὲ τούτων Ἀντίγονοσ ὁ βασιλεύσ, τελευτήσαντοσ αὐτῷ τοῦ νεωτέρου τῶν υἱῶν Φοίνικοσ, τοῦτον μὲν βασιλικῶσ ἔθαψε, τὸν δὲ Δημήτριον ἐκ τῆσ Κύπρου μεταπεμψάμενοσ ἤθροιζε τὰσ δυνάμεισ εἰσ τὴν Ἀντιγονίαν. ἔκρινε δὲ στρατεύειν ἐπὶ τὴν Αἴγυπτον.

αὐτὸσ μὲν οὖν τοῦ πεζοῦ στρατεύματοσ ἀφηγούμενοσ προῆγε διὰ τῆσ Κοίλησ Συρίασ, ἔχων πεζοὺσ μὲν πλείουσ τῶν ὀκτακισμυρίων, ἱππεῖσ δὲ περὶ ὀκτακισχιλίουσ, ἐλέφαντασ δὲ τρισὶ πλείουσ τῶν ὀγδοήκοντα· τῷ δὲ Δημητρίῳ παραδοὺσ τὸν στόλον συνέταξε συμπαραπλεῖν ἅμα πορευομένῃ τῇ δυνάμει, παρεσκευασμένων νεῶν τῶν ἁπασῶν μακρῶν μὲν ἑκατὸν πεντήκοντα, πορίων δὲ στρατιωτικῶν ἑκατόν, ἐν οἷσ ἐκομίζετο βελῶν πλῆθοσ. τῶν δὲ κυβερνητῶν οἰομένων δεῖν ἀπομένειν τὴν τῆσ Πλειάδοσ δύσιν δοκοῦσαν ἔσεσθαι μεθ’ ἡμέρασ ὀκτώ, τούτοισ μὲν ἐπετίμησεν ὡσ κατορρωδοῦσι τοὺσ κινδύνουσ, αὐτὸσ δὲ στρατοπεδεύων περὶ Γάζαν καὶ σπεύδων φθάσαι τὴν τοῦ Πτολεμαίου παρασκευὴν τοῖσ μὲν στρατιώταισ παρήγγειλε δέχ’ ἡμερῶν ἔχειν ἐπισίτισιν, ἐπὶ δὲ ταῖσ καμήλοισ ταῖσ ἀθροισθείσαισ ὑπὸ τῶν Ἀράβων ἐπέθηκε σίτου μυριάδασ μεδίμνων τρισκαίδεκα καὶ χόρτου πλῆθοσ τοῖσ τετράποσι·

τά τε βέλη κομίζων τοῖσ ζεύγεσι προῆγε διὰ τῆσ ἐρήμου μετὰ κακοπαθείασ διὰ τὸ πολλοὺσ εἶναι τῶν τόπων τελματώδεισ καὶ μάλιστα περὶ τὰ καλούμενα Βάραθρα.

일치하는 문장이 없습니다.

SEARCH

MENU NAVIGATION