호흡부호 보기
강세부호 보기
장단부호 보기
작은 Iota 보기
모든 부호 보기
τὴν δὲ ἀντιτεταγμένην δύναμιν οὕτω διαφθείρασ προσεδέξατο τοὺσ ὑπολελειμμένουσ τῶν φυγάδων καὶ πρὸσ Δεινοκράτην διαλυθεὶσ στρατηγὸν αὐτὸν μέρουσ τῆσ δυνάμεωσ ἀπέδειξε καὶ διετέλεσε πιστεύων τὰ μέγιστα. θαυμάσειε δ’ ἄν τισ ἐν τούτοισ τὸν Ἀγαθοκλέα, πῶσ πρὸσ ἅπαντασ ὑπόπτωσ ἔχων καὶ μηδέποτε μηδενὶ βεβαίωσ πιστεύσασ πρὸσ μόνον Δεινοκράτην διετήρησε τὴν φιλίαν μέχρι τελευτῆσ. ὁ δὲ Δεινοκράτην προδοὺσ τοὺσ συμμάχουσ τὸν μὲν Πασίφιλον ἐν τῇ Γέλᾳ συναρπάσασ ἀπέκτεινεν, τὰ δὲ φρούρια καὶ τὰσ πόλεισ ἐνεχείρισεν Ἀγαθοκλεῖ, διετῆ χρόνον ἀναλώσασ εἰσ τὴν τῶν πολεμίων παράθεσιν.
κατὰ δὲ τὴν Ἰταλίαν Ῥωμαῖοι μὲν Παλιγνοὺσ καταπολεμήσαντεσ τὴν χώραν ἀφείλοντο καί τισι τῶν δοξάντων τὰ Ῥωμαίων πεφρονηκέναι μετέδωκαν τῆσ πολιτείασ.
μετὰ δὲ ταῦτα Σαμνιτῶν τὴν Φαλερνῖτιν πορθούντων ἀνέζευξαν ἐπ’ αὐτοὺσ οἱ ὕπατοι καὶ γενομένησ παρατάξεωσ προετέρησαν οἱ Ῥωμαῖοι. σημείασ μὲν οὖν εἷλον εἴκοσι, στρατιώτασ δ’ ἐζώγρησαν ὑπὲρ τοὺσ δισχιλίουσ.
τῶν δ’ ὑπάτων εὐθὺσ ἑλόντων πόλιν Βῶλαν Γέλλιοσ Γάιοσ ὁ τῶν Σαμνιτῶν ἡγεμὼν ἐφάνη μετὰ στρατιωτῶν ἑξακισχιλίων. γενομένησ δὲ μάχησ ἰσχυρᾶσ αὐτόσ τε ὁ Γέλλιοσ ἑάλω καὶ τῶν ἄλλων Σαμνιτῶν οἱ πλεῖστοι μὲν κατεκόπησαν, τινὲσ δὲ καὶ ζῶντεσ συνελήφθησαν. οἱ δ’ ὕπατοι τοιούτοισ προτερήμασι χρησάμενοι τῶν συμμαχίδων πόλεων τὰσ ἁλούσασ ἀνεκτήσαντο, Σώραν, Ἁρπίναν καὶ Σερεννίαν.
호흡부호 보기
강세부호 보기
장단부호 보기
작은 Iota 보기
모든 부호 보기