헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 82)

ὃ δὴ συνορῶν ὁ Ἀντίγονοσ καὶ σπεύδων αὐτοὺσ ἀποσπάσαι τῆσ πρὸσ ἐκεῖνον ἐπιπλοκῆσ τὸ μὲν πρῶτον πρεσβευτὰσ ἀπέστειλε καθ’ ὃν καιρὸν ὑπὲρ τῆσ Κύπρου διεπολέμει πρὸσ Πτολεμαῖον, ἀξιῶν αὐτῷ συμμαχεῖν καὶ ναῦσ συναποστεῖλαι τῷ Δημητρίῳ· οὐ προσεχόντων δ’ αὐτῶν ἀπέστειλέ τινα τῶν στρατηγῶν μετὰ νεῶν, συντάξασ τοὺσ πλέοντασ εἰσ Αἴγυπτον ἐκ τῆσ Ῥόδου κατάγειν καὶ περιαιρεῖσθαι τὰ φορτία.

τούτου δ’ ἐκβληθέντοσ ὑπὸ τῶν Ῥοδίων φήσασ αὐτοὺσ ἀδίκου κατῆρχθαι πολέμου διηπειλήσατο πολιορκήσειν δυνάμεσιν ἁδραῖσ τὴν πόλιν. οἱ δὲ Ῥόδιοι τὸ μὲν πρῶτον ἐψηφίσαντο μεγάλασ αὐτῷ τιμὰσ καὶ πέμψαντεσ πρέσβεισ ἠξίουν μὴ βιάσασθαι τὴν πόλιν προπεσεῖν παρὰ τὰσ συνθήκασ εἰσ τὸν πόλεμον πρὸσ Πτολεμαῖον. τραχύτερον δὲ τοῦ βασιλέωσ ἀπαντῶντοσ καὶ τὸν υἱὸν Δημήτριον ἐκπέμψαντοσ μετὰ δυνάμεωσ καὶ πολιορκητικῶν ὀργάνων φοβηθέντεσ τὴν ὑπεροχὴν τοῦ βασιλέωσ τὸ μὲν πρῶτον ἀπέστειλαν πρὸσ τὸν Δημήτριον, φήσαντεσ συμπολεμήσειν Ἀντιγόνῳ πρὸσ Πτολεμαῖον·

ὡσ δ’ ἐκεῖνοσ ὁμήρουσ ἑκατὸν ᾔτει τοὺσ ἐπιφανεστάτουσ καὶ τοῖσ λιμέσι δέχεσθαι τὸν στόλον προσέταττεν, ὑπολαβόντεσ ἐπιβουλεύειν αὐτὸν τῇ πόλει, τὰ πρὸσ πόλεμον παρεσκευάζοντο. Δημήτριοσ δὲ πᾶσαν τὴν δύναμιν ἀθροίσασ εἰσ τὸν ἐν Λωρύμοισ λιμένα στόλον ἐξήρτυε πρὸσ τὸν ἐπίπλουν τὸν ἐπὶ τὴν Ῥόδον.

εἶχε δὲ ναῦσ μακρὰσ μὲν παντοίασ μεγέθει διακοσίασ, ὑπηρετικὰ δὲ πλείω τῶν ἑκατὸν ἑβδομήκοντα· ἐν δὲ τούτοισ ἐκομίζοντο στρατιῶται βραχὺ λειπόμενοι τῶν τετρακισμυρίων σὺν ἱππεῦσι καὶ τοῖσ συμμαχοῦσι πειραταῖσ. ὑπῆρχε δὲ καὶ βελῶν παντοίων πλῆθοσ καὶ πάντων τῶν πρὸσ πολιορκίαν χρησίμων μεγάλη παρασκευή. χωρὶσ δὲ τούτων ἰδιωτικὰ πόρια συνηκολούθει τῶν ταῖσ ἀγοραῖσ χρωμένων βραχὺ λειπόμενα τῶν χιλίων·

πολλὰ γὰρ ἔτη τῆσ χώρασ τῆσ Ῥοδίων ἀπορθήτου γεγενημένησ συνέρρει πανταχόθεν πλῆθοσ τῶν εἰωθότων ὠφελείασ ἰδίασ ἡγεῖσθαι τὰ τῶν πολεμουμένων ἀτυχήματα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 82

(디오도로스 시켈로스, Bibliotheca Historica, Books XVIII-XX, book 20, chapter 82)

상위

목록

SEARCH

MENU NAVIGATION