헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 93)

οἱ δὲ Ῥόδιοι θεωροῦντεσ τὴν προκοπὴν τῶν παρὰ τοῖσ πολεμίοισ ἔργων κατεσκεύασαν ἐντὸσ ἕτερον τεῖχοσ παράλληλον τῷ μέλλοντι πονεῖν κατὰ τὰσ προσβολάσ. ἐχρῶντο δὲ λίθοισ καθαιροῦντεσ τοῦ θεάτρου τὸν περίβολον καὶ τὰσ πλησίον οἰκίασ, ἔτι δὲ τῶν ἱερῶν ἔνια, τοῖσ θεοῖσ εὐξάμενοι καλλίονα κατασκευάσειν σωθείσησ τῆσ πόλεωσ. ἐξέπεμψαν δὲ καὶ τῶν νεῶν ἐννέα, διακελευσάμενοι τοὺσ ἀφηγουμένουσ πανταχῇ πλεῖν καὶ παραδόξωσ ἐπιφαινομένουσ ἃ μὲν βυθίζειν τῶν ἁλισκομένων πλοίων, ἃ δὲ κατάγειν εἰσ τὴν πόλιν.

ἐκπλευσάντων δὲ τούτων καὶ τριχῇ διαιρεθέντων Δαμόφιλοσ μὲν ἔχων ναῦσ τὰσ καλουμένασ παρὰ Ῥοδίοισ φυλακίδασ ἔπλευσεν εἰσ Κάρπαθον καὶ πολλὰ μὲν πλοῖα τῶν Δημητρίου καταλαβών, ἃ μὲν τοῖσ ἐμβόλοισ θραύων κατεπόντιζεν, ἃ δ’ ἐπὶ τὸν αἰγιαλὸν κομίζων ἐνεπύριζεν, ἐκλεγόμενοσ τῶν σωμάτων τὰ χρησιμώτατα, οὐκ ὀλίγα δὲ τῶν κομιζόντων τοὺσ ἐκ τῆσ νήσου καρποὺσ κατήγαγεν εἰσ τὴν πατρίδα. Μενέδημοσ δὲ τριῶν ἀφηγούμενοσ τριημιολιῶν πλεύσασ τῆσ Λυκίασ ἐπὶ τὰ Πάταρα καὶ καταλαβὼν ὁρμοῦσαν ναῦν τοῦ πληρώματοσ ἐπὶ γῆσ ὄντοσ ἐνεπύρισε τὸ σκάφοσ, πολλὰ δὲ πλοῖα τῶν κομιζόντων τὴν ἀγορὰν ἐπὶ τὸ στρατόπεδον ὑποχείρια λαβὼν ἐξαπέστειλεν εἰσ τὴν Ῥόδον.

εἷλε δὲ καὶ τετρήρη πλέουσαν μὲν ἐκ Κιλικίασ, ἔχουσαν δ’ ἐσθῆτα βασιλικὴν καὶ τὴν ἄλλην ἀποσκευήν, ἣν ἡ γυνὴ Δημητρίου Φίλα παρασκευασαμένη φιλοτιμότερον ἀπεστάλκει τἀνδρί.

τὸν μὲν οὖν ἱματισμὸν ἀπέστειλεν εἰσ Αἴγυπτον, οὐσῶν τῶν στολῶν ἁλουργῶν καὶ βασιλεῖ φορεῖν πρεπουσῶν, τὴν δὲ ναῦν ἐνεώλκησεν καὶ τοὺσ ναύτασ ἀπέδοτο τούσ τ’ ἐκ τῆσ τετρήρουσ καὶ τοὺσ ἐκ τῶν ἄλλων πλοίων τῶν ἁλόντων. τῶν δ’ ὑπολοίπων νεῶν τριῶν Ἀμύντασ ἡγούμενοσ ἔπλευσεν ἐπὶ νήσων καὶ πολλοῖσ πλοίοισ περιτυχὼν κομίζουσι τὰ πρὸσ τὰσ μηχανὰσ ἁρμόζοντα τοῖσ πολεμίοισ ἃ μὲν αὐτῶν κατέδυσεν, ἃ δὲ κατήγαγεν εἰσ τὴν πόλιν, ἐν οἷσ ἑάλωσαν καὶ τεχνῖται τῶν ἀξιολόγων καὶ πρὸσ βέλη καὶ καταπέλτασ ἐμπειρίᾳ διαφέροντεσ ἕνδεκα.

μετὰ δὲ ταῦτα ἐκκλησίασ συναχθείσησ συνεβούλευόν τινεσ τὰσ εἰκόνασ τὰσ Ἀντιγόνου καὶ Δημητρίου κατασπάσαι, δεινὸν εἶναι λέγοντεσ ἐν ἴσῳ τιμᾶσθαι τοὺσ πολιορκοῦντασ τοῖσ εὐεργέταισ·

ἐφ’ οἷσ ὁ δῆμοσ ἀγανακτήσασ τούτοισ μὲν ὡσ ἁμαρτάνουσιν ἐπετίμησεν, τῶν δὲ περὶ Ἀντίγονον τιμῶν οὐδεμίαν μετεκίνησεν, καλῶσ πρόσ τε δόξαν καὶ τὸ συμφέρον βουλευσάμενοσ. ἥ τε γὰρ μεγαλοψυχία καὶ τὸ βέβαιον τῆσ ἐν δημοκρατίᾳ κρίσεωσ παρὰ μὲν τοῖσ ἄλλοισ ἐπαίνων ἐτύγχανε, παρὰ δὲ τοῖσ πολιορκοῦσι μεταμελείασ·

τὰσ γὰρ κατὰ τὴν Ἑλλάδα πόλεισ οὐδεμίαν ἐνδεδειγμένασ εὔνοιαν εἰσ τοὺσ εὐεργέτασ ἐλευθεροῦντεσ τὴν διὰ τῆσ πείρασ φανεῖσαν βεβαιοτάτην εἰσ ἀμοιβὴν χάριτοσ ἐφαίνοντο καταδουλούμενοι, πρόσ τε τὸ παράδοξον τῆσ τύχησ, εἰ συμβαίη τὴν πόλιν ἁλῶναι, κατελείπετ’ αὐτοῖσ πρὸσ παραίτησιν τῆσ τηρηθείσησ ὑπ’ αὐτῶν φιλίασ ἀνάμνησισ. ταῦτα μὲν οὖν τοῖσ Ῥοδίοισ ἐπράχθη συνετῶσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 93

(디오도로스 시켈로스, Bibliotheca Historica, Books XVIII-XX, book 20, chapter 93)

상위

목록

SEARCH

MENU NAVIGATION