헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 96)

ἐν δὲ ταῖσ αὐταῖσ ἡμέραισ Πτολεμαῖοσ ὁ βασιλεὺσ ἀπέστειλε τοῖσ Ῥοδίοισ πλοίων πλῆθοσ τῶν τὴν ἀγορὰν κομιζόντων, ἐν οἷσ ἦσαν σίτου τριάκοντα μυριάδεσ ἀρταβῶν σὺν τοῖσ ὀσπρίοισ. προσφερομένων δ’ αὐτῶν πρὸσ τὴν πόλιν ἐπεχείρησε Δημήτριοσ ἀποστέλλειν σκάφη τὰ κατάξοντα πρὸσ τὴν αὐτοῦ στρατοπεδείαν.

φοροῦ δὲ πνεύματοσ αὐτοῖσ ἐπιγενομένου ταῦτα μὲν πλήρεσι τοῖσ ἱστίοισ φερόμενα κατηνέχθη πρὸσ τοὺσ οἰκείουσ λιμένασ, οἱ δ’ ὑπὸ Δημητρίου πεμφθέντεσ ἐπανῆλθον ἄπρακτοι. ἔπεμψε δὲ τοῖσ Ῥοδίοισ καὶ Κάσανδροσ κριθῶν μεδίμνουσ μυρίουσ καὶ Λυσίμαχοσ πυρῶν μεδίμνουσ τετρακισμυρίουσ καὶ κριθῶν τοὺσ ἴσουσ.

τηλικαύτησ οὖν χορηγίασ τοῖσ κατὰ τὴν πόλιν γενομένησ ἤδη κάμνοντεσ ταῖσ ψυχαῖσ οἱ πολιορκούμενοι πάλιν ἀνεθάρρησαν καὶ κρίναντεσ συμφέρειν ἐπιθέσθαι ταῖσ μηχαναῖσ τῶν πολεμίων πυρφόρων τε πλῆθοσ παρεσκευάσαντο καὶ τοὺσ πετροβόλουσ καὶ τοὺσ ὀξυβελεῖσ ἔστησαν ἅπαντασ ἐπὶ τοῦ τείχουσ. νυκτὸσ δ’ ἐπιγενομένησ περὶ δευτέραν φυλακὴν ἄφνω τοῖσ μὲν πυρφόροισ συνεχῶσ τὴν ἑλέπολιν ἔβαλλον, τοῖσ δ’ ἄλλοισ βέλεσι παντοίοισ χρώμενοι τοὺσ ἐκεῖ συντρέχοντασ κατετίτρωσκον.

οἱ δὲ περὶ τὸν Δημήτριον ἀνελπίστου τῆσ ἐπιθέσεωσ γενομένησ ἀγωνιάσαντεσ περὶ τῶν κατασκευασθέντων ἔργων συνέτρεχον ἐπὶ τὴν βοήθειαν.

ἀσελήνου δὲ τῆσ νυκτὸσ οὔσησ οἱ μὲν πυρφόροι διέλαμπον φερόμενοι βιαίωσ, οἱ δ’ ὀξυβελεῖσ καὶ πετροβόλοι τὴν φορὰν ἀπροόρατον ἔχοντεσ πολλοὺσ διέφθειρον τῶν μὴ δυναμένων συνιδεῖν τὴν ἐπιφερομένην πληγήν.

ἔτυχον δὲ καὶ τῶν ἀπὸ τῆσ μηχανῆσ λεπίδων τινὲσ ἀποπεσοῦσαι, καταψιλωθέντοσ δὲ τοῦ τόπου προσέπιπτον οἱ πυρφόροι τῷ ξυλοφανεῖ τοῦ κατασκευάσματοσ.

διόπερ ἀγωνιάσασ ὁ Δημήτριοσ μήποτε τοῦ πυρὸσ ἐπινεμηθέντοσ ἅπασαν συμβῇ τὴν μηχανὴν λυμανθῆναι, κατὰ τάχοσ ἐβοήθει καὶ τῷ παρασκευασθέντι ὕδατι ἐν ταῖσ στεγαισ ἐπειρᾶτο σβεννύναι τὴν ἐπιφερομένην φλόγα. τὸ δὲ τελευταῖον ἀθροίσασ τῇ σάλπιγγι τοὺσ τεταγμένουσ ἐπὶ τῆσ κινήσεωσ τῶν ἔργων διὰ τούτων ἀπήγαγε τὰσ μηχανὰσ ἐκτὸσ βέλουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 96

(디오도로스 시켈로스, Bibliotheca Historica, Books XVIII-XX, book 20, chapter 96)

상위

목록

SEARCH

MENU NAVIGATION