헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 94)

Δημητρίου δὲ διὰ τῶν μεταλλέων ὑπορύξαντοσ τὸ τεῖχοσ τῶν αὐτομόλων τισ ἐμήνυσε τοῖσ πολιορκουμένοισ ὡσ οἱ ταῖσ ὑπονομαῖσ χρώμενοι σχεδὸν ἐντόσ εἰσι τοῦ τείχουσ. διόπερ οἱ Ῥόδιοι τάφρον ὀρύξαντεσ βαθεῖαν, παράλληλον τῷ δοκοῦντι πεσεῖσθαι τείχει, ταχὺ καὶ αὐτοὶ ταῖσ μεταλλείαισ χρώμενοι συνῆψαν ὑπὸ γῆν τοῖσ ἐναντίοισ καὶ διεκώλυσαν τῆσ εἰσ τοὔμπροσθεν πορείασ.

τῶν δὲ διορυγμάτων παρ’ ἀμφοτέροισ τηρουμένων ἐπεχείρησάν τινεσ τῶν παρὰ τοῦ Δημητρίου διαφθείρειν χρήμασι τὸν τεταγμένον ἐπὶ τῆσ φυλακῆσ ὑπὸ τῶν Ῥοδίων Ἀθηναγόραν·

οὗτοσ δ’ ἦν Μιλήσιοσ μὲν τὸ γένοσ, ὑπὸ Πτολεμαίου δ’ ἐξαπεσταλμένοσ ἡγεμὼν τῶν μισθοφόρων. ἐπαγγειλάμενοσ δὲ προδώσειν συνετάξαθ’ ἡμέραν καθ’ ἣν ἔδει παρὰ Δημητρίου πεμφθῆναί τινα τῶν ἀξιολόγων ἡγεμόνων τὸν νυκτὸσ ἀναβησόμενον διὰ τοῦ ὀρύγματοσ εἰσ τὴν πόλιν, ὅπωσ κατασκέψηται τὸν τόπον τὸν μέλλοντα δέξασθαι τοὺσ στρατιώτασ.

εἰσ ἐλπίδασ δὲ μεγάλασ ἀγαγὼν τοὺσ περὶ Δημήτριον ἐμήνυσε τῇ βουλῇ·

καὶ πέμψαντοσ τοῦ βασιλέωσ τῶν περὶ αὑτὸν φίλων Ἀλέξανδρον τὸν Μακεδόνα τοῦτον μὲν ἀναβάντα διὰ τῆσ διώρυχοσ συνέλαβον οἱ Ῥόδιοι, τὸν δ’ Ἀθηναγόραν ἐστεφάνωσαν χρυσῷ στεφάνῳ καὶ δωρεὰν ἔδωκαν ἀργυρίου τάλαντα πέντε, σπεύδοντεσ καὶ τῶν ἄλλων μισθοφόρων καὶ ξένων ἐκκαλεῖσθαι τὴν πρὸσ τὸν δῆμον εὔνοιαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 94

(디오도로스 시켈로스, Bibliotheca Historica, Books XVIII-XX, book 20, chapter 94)

상위

목록

SEARCH

MENU NAVIGATION