헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 22)

περὶ γὰρ τοὺσ αὐτοὺσ καιροὺσ ἐν τῷ Πόντῳ μετὰ τὴν Παρυσάδου τελευτήν, ὃσ ἦν βασιλεὺσ τοῦ Κιμμερικοῦ Βοσπόρου, διετέλουν οἱ παῖδεσ αὐτοῦ διαπολεμοῦντεσ πρὸσ ἀλλήλουσ ὑπὲρ τῆσ ἡγεμονίασ, Εὔμηλόσ τε καὶ Σάτυροσ καὶ Πρύτανισ. τούτων δὲ ὁ μὲν Σάτυροσ ὢν πρεσβύτεροσ παρὰ τοῦ πατρὸσ παρειλήφει τὴν ἀρχήν, βεβασιλευκότοσ ἔτη τριάκοντα ὀκτώ·

ὁ δ’ Εὔμηλοσ φιλίαν συντεθειμένοσ πρόσ τινασ τῶν πλησιοχώρων βαρβάρων καὶ δύναμιν ἁδρὰν ἠθροικὼσ ἠμφισβήτει τῆσ βασιλείασ. ἃ δὴ πυθόμενοσ ὁ Σάτυροσ ἀνέζευξεν ἐπ’ αὐτὸν μετὰ δυνάμεωσ ἁδρᾶσ καὶ διαβὰσ τὸν Θάτην ποταμόν, ἐπειδὴ πλησίον ἐγένετο τῶν πολεμίων, τὴν μὲν παρεμβολὴν ταῖσ ἁμάξαισ περιλαβὼν αἷσ ἦν κεκομικὼσ τὰσ ἀγορὰσ οὔσασ παμπληθεῖσ, τὴν δὲ δύναμιν ἐκτάξασ αὐτὸσ κατὰ μέσην ὑπῆρχε τὴν φάλαγγα, καθάπερ ἐστὶ Σκύθαισ νόμιμον.

συνεστρατεύοντο δ’ αὐτῷ μισθοφόροι μὲν Ἕλληνεσ οὐ πλείουσ δισχιλίων καὶ Θρᾷκεσ ἴσοι τούτοισ, οἱ δὲ λοιποὶ πάντεσ ὑπῆρχον σύμμαχοι Σκύθαι, πλείουσ τῶν δισμυρίων, ἱππεῖσ δὲ οὐκ ἐλάττουσ μυρίων.

τῷ δ’ Εὐμήλῳ συνεμάχει Ἀριφάρνησ ὁ τῶν Σιρακῶν βασιλεύσ, ἱππεῖσ μὲν ἔχων δισμυρίουσ, πεζοὺσ δὲ δισχιλίουσ πρὸσ τοῖσ δισμυρίοισ. γενομένησ δὲ μάχησ ἰσχυρᾶσ Σάτυροσ μὲν ἔχων περὶ ἑαυτὸν ἐπιλέκτουσ ἄνδρασ ἱππομαχίαν συνεστήσατο πρὸσ τοὺσ περὶ Ἀριφάρνην ἀνθεστηκότασ κατὰ μέσην τὴν τάξιν καὶ πολλῶν παρ’ ἀμφοτέροισ πεσόντων τέλοσ ἐκβιασάμενοσ ἐτρέψατο τὸν βασιλέα τῶν βαρβάρων.

καὶ τὸ μὲν πρῶτον ἐπέκειτο φονεύων τοὺσ ἀεὶ καταλαμβανομένουσ·

μετ’ ὀλίγον δὲ πυθόμενοσ τὸν ἀδελφὸν Εὔμηλον προτερεῖν περὶ τὸ δεξιὸν κέρασ καὶ τοὺσ παρ’ αὐτῷ μισθοφόρουσ τετράφθαι τοῦ μὲν διώκειν ἀπέστη, παραβοηθήσασ δὲ τοῖσ ἡττημένοισ καὶ τὸ δεύτερον αἴτιοσ γενόμενοσ τῆσ νίκησ ἅπαν ἐτρέψατο τῶν πολεμίων τὸ στρατόπεδον, ὥστε πᾶσι γενέσθαι φανερὸν ὅτι καὶ κατὰ γένοσ καὶ κατ’ ἀρετὴν προσῆκον ἦν αὐτῷ διαδέχεσθαι τὴν πατρῴαν βασιλείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 22

(디오도로스 시켈로스, Bibliotheca Historica, Books XVIII-XX, book 20, chapter 22)

상위

목록

SEARCH

MENU NAVIGATION