헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 92)

διόπερ τῇ πολυχειρίᾳ τάχιον τῆσ προσδοκίασ ἁπάντων ἐπιτελουμένων φοβερὸσ ἦν ὁ Δημήτριοσ τοῖσ Ῥοδίοισ. οὐ μόνον γὰρ τὰ μεγέθη τῶν μηχανῶν καὶ τὸ πλῆθοσ τῆσ ἠθροισμένησ δυνάμεωσ ἐξέπληττεν αὐτούσ, ἀλλὰ καὶ τὸ τοῦ βασιλέωσ βίαιον καὶ φιλότεχνον ἐν ταῖσ πολιορκίαισ. εὐμήχανοσ γὰρ ὢν καθ’ ὑπερβολὴν ἐν ταῖσ ἐπινοίαισ καὶ πολλὰ παρὰ τὴν τῶν ἀρχιτεκτόνων τέχνην παρευρίσκων ὠνομάσθη μὲν πολιορκητήσ, τὴν δ’ ἐν ταῖσ προσβολαῖσ ὑπεροχὴν καὶ βίαν τοιαύτην εἶχεν ὥστε δόξαι μηδὲν οὕτωσ ὀχυρὸν εἶναι τεῖχοσ ὃ δύναιτ’ ἂν τὴν ἀπ’ ἐκείνου τοῖσ πολιορκουμένοισ ἀσφάλειαν παρέχεσθαι.

ἦν δὲ καὶ κατὰ τὸ μέγεθοσ τοῦ σώματοσ καὶ κατὰ τὸ κάλλοσ ἡρωικὸν ἀποφαίνων ἀξίωμα, ὥστε καὶ τοὺσ ἀφικνουμένουσ τῶν ξένων θεωροῦντασ εὐπρέπειαν κεκοσμημένην ὑπεροχῇ βασιλικῇ θαυμάζειν καὶ παρακολουθεῖν ἐν ταῖσ ἐξόδοισ ἕνεκεν τῆσ θέασ.

ἐπὶ δὲ τούτοισ ὑπῆρχε καὶ τῇ ψυχῇ μετέωροσ καὶ μεγαλοπρεπὴσ καὶ καταφρονῶν οὐ τῶν πολλῶν μόνον, ἀλλὰ καὶ τῶν ἐν ταῖσ δυναστείαισ ὄντων, καὶ τὸ πάντων ἰδιώτατον, κατὰ μὲν τὴν εἰρήνην ἐν μέθαισ διέτριβε καὶ συμποσίοισ ἔχουσιν ὀρχήσεισ καὶ κώμουσ καὶ τὸ σύνολον ἐζήλου τὴν μυθολογουμένην ποτὲ γενέσθαι κατ’ ἀνθρώπουσ τοῦ Διονύσου διάθεσιν, κατὰ δὲ τοὺσ πολέμουσ ἐνεργὸσ ἦν καὶ νήφων, ὥστε παρὰ πάντασ τοὺσ ἐργατευομένουσ ἐναγώνιον παρέχεσθαι τὸ σῶμα καὶ τὴν ψυχήν.

ἐπὶ γὰρ τούτου βέλη τὰ μέγιστα συνετελέσθη καὶ μηχαναὶ παντοῖαι πολὺ τὰσ παρὰ τοῖσ ἄλλοισ γενομένασ ὑπεραίρουσαι·

καὶ σκάφη δὲ μέγιστα καθείλκυσεν οὗτοσ μετὰ τὴν πολιορκίαν ταύτην καὶ τὴν τοῦ πατρὸσ τελευτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 92

(디오도로스 시켈로스, Bibliotheca Historica, Books XVIII-XX, book 20, chapter 92)

상위

목록

SEARCH

MENU NAVIGATION