Diodorus Siculus, Bibliotheca Historica, Books XVIII-XX, book 20, chapter 111

(디오도로스 시켈로스, Bibliotheca Historica, Books XVIII-XX, book 20, chapter 111)

ἐν τούτοισ δ’ ὄντων τῶν περὶ Θεσσαλίαν ἧκον πρὸσ τὸν Δημήτριον οἱ πεμφθέντεσ ὑπ’ Ἀντιγόνου, διασαφοῦντεσ τὰσ παρὰ τοῦ πατρὸσ ἐντολὰσ καὶ παρακελευόμενοι τὴν ταχίστην διαβιβάζειν τὰσ δυνάμεισ εἰσ τὴν Ἀσίαν. διόπερ ἀναγκαῖον ἡγησάμενοσ ὑπάρχειν ὁ βασιλεὺσ τὸ πείθεσθαι τῷ πατρί, πρὸσ μὲν Κάσανδρον διαλύσεισ ἐποιήσατο, συνθέμενοσ εἶναι κυρίασ τὰσ συνθήκασ, ἐὰν ὦσιν εὐάρεστοι τῷ πατρί, ἀκριβῶσ μὲν εἰδὼσ οὐ προσδεξόμενον αὐτὸν διὰ τὸ κεκρικέναι πάντωσ διὰ τῶν ὅπλων ἐπιθεῖναι τέλοσ τῷ συμβάντι πολέμῳ, βουλόμενοσ δὲ τὴν ἐκ τῆσ Ἑλλάδοσ ἀποχώρησιν εὐσχήμονα ποιήσασθαι καὶ μὴ φυγῇ παραπλησίαν·

ἐγέγραπτο γὰρ ἐν ταῖσ συνθήκαισ πρὸσ τοῖσ ἄλλοισ καὶ τὸ τὰσ Ἑλληνίδασ πόλεισ ἐλευθέρασ ὑπάρχειν, οὐ τὰσ κατὰ τὴν Ἑλλάδα μόνον, ἀλλὰ καὶ τὰσ κατὰ τὴν Ἀσίαν. μετὰ δὲ ταῦθ’ ὁ Δημήτριοσ παρασκευασάμενοσ πόρια πρὸσ τὴν παρακομιδὴν τῶν τε στρατιωτῶν καὶ τῆσ ἀποσκευῆσ ἀνήχθη παντὶ τῷ στόλῳ καὶ κομισθεὶσ διὰ νήσων κατέπλευσεν εἰσ Ἔφεσον.

ἐκβιβάσασ δὲ τὴν δύναμιν καὶ στρατοπεδεύσασ πλησίον τῶν τειχῶν ἠνάγκασε τὴν πόλιν εἰσ τὴν προϋπάρχουσαν ἀποκαταστῆναι τάξιν καὶ τὴν μὲν ὑπὸ Πρεπελάου τοῦ Λυσιμάχου στρατηγοῦ παρεισαχθεῖσαν φρουρὰν ἀφῆκεν ὑπόσπονδον, ἰδίαν δὲ φυλακὴν εἰσ τὴν ἄκραν καταστήσασ παρῆλθεν εἰσ Ἑλλήσποντον. καὶ Λαμψακηνοὺσ μὲν καὶ Παριανούσ, ἔτι δὲ τῶν ἄλλων τῶν μεταβεβλημένων πόλεών τινασ ἀνεκτήσατο, ἐπὶ δὲ τὸ στόμα τοῦ Πόντου παραγενόμενοσ πρὸσ τῷ Καλχηδονίων ἱερῷ στρατοπεδείαν περιεβάλετο καὶ τοὺσ φυλάξοντασ τὸν τόπον ἀπέλιπε στρατιώτασ πεζοὺσ μὲν τρισχιλίουσ, ναῦσ δὲ μακρὰσ τριάκοντα· τὴν δ’ ἄλλην δύναμιν διελόμενοσ κατὰ πόλεισ διέδωκεν εἰσ χειμασίαν. περὶ δὲ τούτουσ τοὺσ χρόνουσ καὶ Μιθριδάτησ, ὑπήκοοσ ὢν Ἀντιγόνῳ και δόξασ ἀφίστασθαι πρὸσ τοὺσ περὶ Κάσανδρον, ἀνῃρέθη περὶ Κίον τῆσ Μυσίασ, ἄρξασ αὐτῆσ καὶ Ἀρρίνησ ἔτη τριάκοντα καὶ πέντε·

τὴν δὲ δυναστείαν διαδεξάμενοσ Μιθριδάτησ πολλοὺσ προσεκτήσατο, τῆσ δὲ Καππαδοκίασ καὶ Παφλαγονίασ ἦρξεν ἔτη τριάκοντα ἕξ.

일치하는 문장이 없습니다.

SEARCH

MENU NAVIGATION