헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 19)

κατὰ δὲ τὴν Μακεδονίαν Κάσανδροσ μὲν βοηθήσασ Αὐδολέοντι τῷ Παιόνων βασιλεῖ διαπολεμοῦντι πρὸσ Αὐταριάτασ, τοῦτον μὲν ἐκ τῶν κινδύνων ἐρρύσατο, τοὺσ δὲ Αὐταριάτασ σὺν τοῖσ ἀκολουθοῦσι παισὶ καὶ γυναιξὶν ὄντασ εἰσ δισμυρίουσ κατῴκισεν παρὰ τὸ καλούμενον Ὀρβηλὸν ὄροσ. τούτου δὲ περὶ ταῦτ’ ὄντοσ κατὰ μὲν τὴν Πελοπόννησον Πτολεμαῖοσ ὁ στρατηγὸσ Ἀντιγόνου δυνάμεισ πεπιστευμένοσ καὶ τῷ δυνάστῃ προσκόψασ ὡσ οὐ κατὰ τὴν ἀξίαν τιμώμενοσ Ἀντιγόνου μὲν ἀπέστη, πρὸσ δὲ Κάσανδρον συμμαχίαν ἐποιήσατο.

καταλελοιπὼσ δὲ τῆσ ἐφ’ Ἑλλησπόντῳ σατραπείασ ἐπιστάτην Φοίνικα, ἕνα τῶν πιστοτάτων φίλων, ἀπέστειλεν αὐτῷ στρατιώτασ, ἀξιῶν διαφυλάττειν τὰ φρούρια καὶ τὰσ πόλεισ καὶ μὴ προσέχειν Ἀντιγόνῳ. τῶν δὲ κοινῶν συνθηκῶν τοῖσ ἡγεμόσι περιεχουσῶν ἐλευθέρασ ἀφεῖσθαι τὰσ Ἑλληνίδασ πόλεισ, οἱ περὶ Πτολεμαῖον τὸν Αἰγύπτου δυνάστην, ἐγκαλέσαντεσ Ἀντιγόνῳ διότι φρουραῖσ τινασ διείληφε τῶν πόλεων, πολεμεῖν παρεσκευάζοντο.

καὶ τὴν μὲν δύναμιν ἐξαποστείλασ Πτολεμαῖοσ καὶ στρατηγὸν Λεωνίδην τὰσ ἐν τῇ τραχείᾳ Κιλικίᾳ πόλεισ οὔσασ ὑπ’ Ἀντίγονον ἐχειρώσατο, διεπέμπετο δὲ καὶ εἰσ τὰσ ὑπὸ Κάσανδρον καὶ Λυσίμαχον πόλεισ, ἀξιῶν συμφρονεῖν ἑαυτῷ καὶ κωλύειν Ἀντίγονον ἰσχυρὸν γίνεσθαι.

ὁ δ’ Ἀντίγονοσ τῶν υἱῶν Φίλιππον μὲν τὸν νεώτερον ἐξέπεμψεν ἐφ’ Ἑλλήσποντον, διαπολεμήσοντα Φοίνικι καὶ τοῖσ ἀφεστηκόσι, Δημήτριον δ’ ἐπὶ Κιλικίαν, ὃσ ἐνεργὸν ποιησάμενοσ τὴν στρατείαν ἐνίκησε τοὺσ τοῦ Πτολεμαίου στρατηγοὺσ καὶ τὰσ πόλεισ ἀνεκτήσατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 19

(디오도로스 시켈로스, Bibliotheca Historica, Books XVIII-XX, book 20, chapter 19)

상위

목록

SEARCH

MENU NAVIGATION