Diodorus Siculus, Bibliotheca Historica, Books XVIII-XX, book 20, chapter 91

(디오도로스 시켈로스, Bibliotheca Historica, Books XVIII-XX, book 20, chapter 91)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχε Φερεκλῆσ, ἐν Ῥώμῃ δὲ τὴν ὑπατικὴν ἀρχὴν διεδέξαντο Πόπλιοσ Σεμπρώνιοσ καὶ Πόπλιοσ Σολπίκιοσ, ὀλυμπιὰσ δ’ ἤχθη παρὰ τοῖσ Ἠλείοισ ἐνάτη πρὸσ ταῖσ ἑκατὸν δέκα, καθ’ ἣν ἐνίκα στάδιον Ἀνδρομένησ Κορίνθιοσ. ἐπὶ δὲ τούτων Δημήτριοσ μὲν Ῥόδον πολιορκῶν, ἐπὶ ταῖσ κατὰ θάλατταν προσβολαῖσ ἀποτυγχάνων, ἀπὸ τῆσ γῆσ διέγνω τὰσ ἐπιθέσεισ ποιεῖσθαι. παρασκευασάμενοσ οὖν ὕλησ παντοίασ πλῆθοσ κατεσκεύασε μηχανὴν τὴν καλουμένην ἑλέπολιν, ὑπεραίρουσαν πολὺ τῷ μεγέθει τῶν πρὸ αὐτῆσ γενομένων.

ἐσχαρίου γὰρ ὄντοσ τετραγώνου τὴν μὲν πλευρὰν ἑκάστην ὑπεστήσατο πηχῶν σχεδὸν πεντήκοντα, συμπεπηγυῖαν ἐκ τετραγώνων ξύλων σιδήρῳ δεδεμένων· τὴν δὲ ἀνὰ μέσον χώραν διέλαβε δοκοῖσ ἀλλήλων ἀπεχούσαισ ὡσανεὶ πῆχυν, ὅπωσ παράστασισ ᾖ τοῖσ προωθεῖν τὴν μηχανὴν μέλλουσιν. τὸ δὲ πᾶν βάροσ ἦν ὑπότροχον, στερεοῖσ καὶ μεγάλοισ ὀκτὼ τροχοῖσ ὑπειλημμένον·

τὰ γὰρ πάχη τῶν ἀψίδων ὑπῆρχε πηχῶν δυεῖν, σεσιδηρωμένα λεπίσιν ἰσχυραῖσ. πρὸσ δὲ τὴν ἐκ πλαγίασ μετάθεσιν ἦσαν ἀντίστρεπτα πεπραγματευμένα, δἰ ὧν ἡ πᾶσα μηχανὴ ῥᾳδίωσ παντοίαν ὑπελάμβανε κίνησιν. ἐκ δὲ τῶν γωνιῶν ὑπῆρχον κίονεσ ἴσοι τῷ μήκει, βραχὺ λείποντεσ τῶν ἑκατὸν πηχῶν, οὕτωσ συννενευκότεσ εἰσ ἀλλήλουσ ὡσ τοῦ παντὸσ κατασκευάσματοσ ὄντοσ ἐννεαστέγου τὴν μὲν πρώτην στέγην ὑπάρχειν ἀκαινῶν τεσσαράκοντα τριῶν, τὴν δ’ ἀνωτάτω ἐννέα.

τὰσ δὲ τρεῖσ ἐπιφανεῖσ πλευρὰσ τῆσ μηχανῆσ ἔξωθεν συνεκάλυψε λεπίσι σιδηραῖσ καθηλωμέναισ, ἵνα μηδὲν ὑπὸ τῶν πυρφόρων βλάπτηται.

θυρίδασ δ’ εἶχον αἱ στέγαι κατὰ πρόσωπον, τοῖσ μεγέθεσι καὶ τοῖσ σχήμασι πρὸσ τὰσ ἰδιότητασ τῶν μελλόντων ἀφίεσθαι βελῶν ἁρμοζούσασ. αὗται δὲ εἶχον καλύμματα διὰ μηχανῆσ ἀνασπώμενα, δι’ ὧν ἀσφάλειαν ἐλάμβανον οἱ κατὰ τὰσ στέγασ περὶ τὴν ἄφεσιν τῶν βελῶν ἀναστρεφόμενοι·

ἦσαν μὲν γὰρ ἐκ βυρσῶν περιερραμμένα, πλήρη δὲ ἐρίων, εἰσ τὸ τῇ πληγῇ ἐνδιδόναι τῶν λιθοβόλων. ἑκάστη δὲ τῶν στεγῶν εἶχε δύο κλίμακασ πλατείασ, ὧν τῇ μὲν πρὸσ τὴν ἀνακομιδὴν τῶν χρησίμων, τῇ δὲ πρὸσ τὴν κατάβασιν ἐχρῶντο πρὸσ τὸ χωρὶσ θορύβου πᾶν ὑπηρετεῖσθαι.

οἱ δὲ μέλλοντεσ κινήσειν τὴν μηχανὴν ἐξελέχθησαν ἐξ ἁπάσησ τῆσ δυνάμεωσ οἱ ταῖσ ῥώμαισ διαφέροντεσ ἄνδρεσ τρισχίλιοι καὶ τετρακόσιοι· τούτων δ’ οἱ μὲν ἐντὸσ ἀποληφθέντεσ, οἱ δ’ ἐκ τῶν ὄπισθεν μερῶν παριστάμενοι προεώθουν, πολλὰ τῆσ τέχνησ συνεργούσησ εἰσ τὴν κίνησιν.

κατεσκεύασε δὲ καὶ χελώνασ τὰσ μὲν χωστρίδασ, τὰσ δὲ κριοφορουσ καὶ στοὰσ δι’ ὧν ἔμελλον οἱ τοῖσ ἔργοισ προσιόντεσ ἐλεύσεσθαι καὶ πάλιν ἐπιστρέψειν ἀσφαλῶσ. τοῖσ δ’ ἐκ τῶν νεῶν πληρώμασιν ἀνεκάθαρε τὸν τόπον ἐπὶ σταδίουσ τέτταρασ, δι’ ὧν ἔμελλεν προσάξειν τὰσ κατασκευασθείσασ μηχανάσ, ὥστε γίνεσθαι τὸ ἔργον ἐπὶ μῆκοσ μεσοπυργίων ἓξ καὶ πύργων ἑπτά. τὸ δ’ ἠθροισμένον πλῆθοσ τῶν τεχνιτῶν καὶ τῶν τοῖσ ἔργοισ προσιόντων οὐ πολὺ ἐλείπετο τῶν τρισμυρίων.

일치하는 문장이 없습니다.

SEARCH

MENU NAVIGATION