헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 58)

ἐμπλήσασ δ’ ὠφελείασ τὸ στρατόπεδον κατέβη πρὸσ τοὺσ περὶ τὸν Ἀρχάγαθον καὶ δόξασ ἀγαθὸσ ἀνὴρ γεγονέναι πάλιν ἐστράτευσεν εἰσ τοὺσ ἄνω τῆσ Λιβύησ τόπουσ. ὑπερβαλὼν δὲ τὰσ πόλεισ ὧν πρότερον ἐγεγόνει κύριοσ, παρεισέπεσεν εἰσ τὴν καλουμένην Μιλτινὴν πόλιν, ἀπροσδοκήτωσ ἐπιφανείσ· συστραφέντων δ’ ἐπ’ αὐτὸν τῶν βαρβάρων καὶ κρατησάντων ἐν ταῖσ ὁδοῖσ ἐξεβλήθη παραλόγωσ καὶ πολλοὺσ τῶν στρατιωτῶν ἀπέβαλεν.

ἐντεῦθεν δ’ ἀναζεύξασ προῆγεν δι’ ὄρουσ ὑψηλοῦ παρήκοντοσ ἐπὶ σταδίουσ διακοσίουσ, πλήρουσ δ’ ὄντοσ αἰλούρων, ἐν ᾧ συνέβαινε μηδὲν ὅλωσ πτηνὸν νεοττεύειν μήτε ἐπὶ τοῖσ δένδρεσι μήτε ἐν ταῖσ φάραγξι διὰ τὴν ἀλλοτριότητα τῶν προειρημένων ζῴων. διελθὼν δὲ τὴν ὀρεινὴν ταύτην ἐνέβαλεν εἰσ χώραν ἔχουσαν πλῆθοσ πιθήκων καὶ πόλεισ τρεῖσ τὰσ ἀπὸ τούτων τῶν ζῴων ὀνομαζομένασ εἰσ τὸν Ἑλληνικὸν τρόπον τῆσ διαλέκτου μεθερμηνευομένασ Πιθηκούσσασ.

ἐν δὲ ταύταισ οὐκ ὀλίγα τῶν νομίμων πολὺ παρήλλαττε τῶν παρ’ ἡμῖν.

τάσ τε γὰρ αὐτὰσ οἰκίασ οἱ πίθηκοι κατῴκουν τοῖσ ἀνθρώποισ, θεοὶ παρ’ αὐτοῖσ νομιζόμενοι καθάπερ παρ’ Αἰγυπτίοισ οἱ κύνεσ, ἔκ τε τῶν παρεσκευασμένων ἐν τοῖσ ταμιείοισ τὰ ζῷα τὰσ τροφὰσ ἐλάμβανον ἀκωλύτωσ ὁπότε βούλοιντο. καὶ τὰσ προσηγορίασ δ’ ἐτίθεσαν οἱ γονεῖσ τοῖσ παισὶ κατὰ τὸ πλεῖστον ἀπὸ τῶν πιθήκων, ὥσπερ παρ’ ἡμῖν ἀπὸ τῶν θεῶν. τοῖσ δ’ ἀποκτείνασι τοῦτο τὸ ζῷον ὡσ ἠσεβηκόσι τὰ μέγιστα θάνατοσ ὡρ́ιστο πρόστιμον·

διὸ δὴ καὶ παρά τισιν ἐνίσχυσεν ἐν παροιμίασ μέρει λεγόμενον ἐπὶ τῶν ἀνατεὶ κτεινομένων ὅτι πιθήκου αἷμ’ ἀποτίσειαν. ὁ δ’ οὖν Εὔμαχοσ μίαν μὲν τούτων τῶν πόλεων ἑλὼν κατὰ κράτοσ διήρπασε, τὰσ δὲ δύο προσηγάγετο.

πυνθανόμενοσ δὲ τοὺσ περιοικοῦντασ βαρβάρουσ ἀθροίζειν ἐπ’ αὐτὸν μεγάλασ δυνάμεισ προῆγε συντονώτερον, διεγνωκὼσ ἐπανιέναι πρὸσ τοὺσ ἐπὶ θαλάττῃ τόπουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 58

(디오도로스 시켈로스, Bibliotheca Historica, Books XVIII-XX, book 20, chapter 58)

상위

목록

SEARCH

MENU NAVIGATION