헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 98)

ἅμα δὲ τούτοισ πραττομένοισ Πτολεμαῖοσ μὲν ὁ βασιλεὺσ ἀπέστειλε τοῖσ Ῥοδίοισ σῖτον καὶ τὴν ἄλλην ἀγορὰν οὐκ ἐλάττονα τῆσ πρότερον ἐκπεμφθείσησ καὶ στρατιώτασ χιλίουσ καὶ πεντακοσίουσ, ὧν ἦν ἡγεμὼν Ἀντίγονοσ ὁ Μακεδών. καθ’ ὃν δὴ χρόνον ἧκον πρὸσ τὸν Δημήτριον πρέσβεισ παρά τε Ἀθηναίων καὶ τῶν ἄλλων Ἑλληνίδων πόλεων, τὸν ἀριθμὸν μὲν ὄντεσ ὑπὲρ τοὺσ πεντήκοντα, πάντεσ δὲ ἀξιοῦντεσ διαλύσασθαι τὸν βασιλέα πρὸσ τοὺσ Ῥοδίουσ.

γενομένων οὖν ἀνοχῶν καὶ πολλῶν καὶ παντοδαπῶν ῥηθέντων λόγων πρόσ τε τὸν δῆμον καὶ πρὸσ τοὺσ περὶ τὸν Δημήτριον οὐδαμῶσ ἐδυνήθησαν συμφωνῆσαι·

διόπερ οἱ πρέσβεισ ἀπῆλθον ἄπρακτοι. Δημήτριοσ δὲ διανοηθεὶσ νυκτὸσ ἐπιθέσθαι τῇ πόλει κατὰ τὸ πεπτωκὸσ τοῦ τείχουσ ἐπέλεξε τῶν τε μαχίμων τοὺσ κρατίστουσ καὶ τῶν ἄλλων τοὺσ εὐθέτουσ εἰσ χιλίουσ καὶ πεντακοσίουσ.

τούτουσ μὲν οὖν προσέταξεν ἡσυχῇ προσελθεῖν τῷ τείχει περὶ δευτέραν φυλακήν, αὐτὸσ δὲ διασκευάσασ παρήγγειλε τοῖσ ἐφ’ ἑκάστῳ μέρει τεταγμένοισ, ὅταν σημήνῃ, συναλαλάξαι καὶ προσβολὰσ ποιεῖσθαι καὶ κατὰ γῆν καὶ κατὰ θάλατταν.

πάντων δὲ τὸ παραγγελθὲν ποιούντων οἱ μὲν ἐπὶ τὰ πεπτωκότα τῶν τειχῶν ὁρμήσαντεσ τοὺσ προφυλάττοντασ ἐπὶ τῆσ τάφρου κατασφάξαντεσ παρεισέπεσον εἰσ τὴν πόλιν καὶ τοὺσ περὶ τὸ θέατρον τόπουσ κατελαμβάνοντο·

οἱ δὲ τῶν Ῥοδίων πρυτάνεισ πυθόμενοι τὸ συμβεβηκὸσ καὶ τὴν πόλιν ὁρῶντεσ ἅπασαν τεθορυβημένην τοῖσ μὲν ἐπὶ τοῦ λιμένοσ καὶ τῶν τειχῶν παρήγγειλαν μένειν ἐπὶ τῆσ ἰδίασ τάξεωσ καὶ τοὺσ ἔξωθεν, ἂν προσβάλωσιν, ἀμύνασθαι, αὐτοὶ δ’ ἔχοντεσ τὸ τῶν ἐπιλέκτων σύστημα καὶ τοὺσ ἀπὸ τῆσ Ἀλεξανδρείασ προσφάτωσ καταπεπλευκότασ στρατιώτασ ὡρ́μησαν ἐπὶ τοὺσ ἐντὸσ τοῦ τείχουσ παρεισπεπτωκότασ.

περικαταλαβούσησ δ’ ἡμέρασ καὶ τοῦ Δημητρίου τὸ σύσσημον ἄραντοσ οἱ μὲν τῷ λιμένι προσβαλόντεσ καὶ τὸ τεῖχοσ πάντοθεν περιεστρατοπεδευκότεσ συνηλάλαξαν, εὐθαρσεῖσ ποιοῦντεσ τοὺσ κατειληφότασ μέροσ τοῦ περὶ τὸ θέατρον τόπου, ὁ δὲ κατὰ τὴν πόλιν ὄχλοσ παίδων καὶ γυναικῶν ἐν φόβοισ ἦν καὶ δάκρυσιν, ὡσ τῆσ πατρίδοσ κατὰ κράτοσ ἁλισκομένησ.

οὐ μὴν ἀλλὰ τοῖσ παρεισπεσοῦσιν ἐντὸσ τοῦ τείχουσ γενομένησ μάχησ πρὸσ τοὺσ Ῥοδίουσ καὶ πολλῶν παρ’ ἀμφοτέροισ πεσόντων τὸ μὲν πρῶτον οὐδέτεροι τῆσ ἰδίασ τάξεωσ ἐξεχώρουν, μετὰ δὲ ταῦτα τῶν μὲν Ῥοδίων ἀεὶ πλειόνων γινομένων καὶ τὸν κίνδυνον ἑτοίμωσ ὑπομενόντων, ὡσ ἂν ὑπὲρ πατρίδοσ καὶ τῶν μεγίστων ἀγωνιζομένων, τῶν δὲ τοῦ βασιλέωσ θλιβομένων Ἄλκιμοσ μὲν καὶ Μαντίασ οἱ τὴν ἡγεμονίαν ἔχοντεσ πολλοῖσ περιπεσόντεσ τραύμασιν ἐτελεύτησαν, τῶν δ’ ἄλλων οἱ πλεῖστοι οἱ μὲν ἐν χειρῶν νόμῳ διεφθάρησαν, οἱ δ’ ἥλωσαν, ὀλίγοι δὲ πρὸσ τὸν βασιλέα φυγόντεσ διεσώθησαν.

πολλοὶ δὲ καὶ τῶν Ῥοδίων ἀνῃρέθησαν, ἐν οἷσ ἦν καὶ ὁ πρύτανισ Δαμοτέλησ ἐπ’ ἀρετῇ γενόμενοσ περίβλεπτοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 98

(디오도로스 시켈로스, Bibliotheca Historica, Books XVIII-XX, book 20, chapter 98)

상위

목록

SEARCH

MENU NAVIGATION