Diodorus Siculus, Bibliotheca Historica, Books XVIII-XX, book 20, chapter 26

(디오도로스 시켈로스, Bibliotheca Historica, Books XVIII-XX, book 20, chapter 26)

περὶ δὲ τῆσ τῶν ἀδελφῶν τελευτῆσ Εὐμήλου τε καὶ Σατύρου παραδέδονται χρησμοί, μικρὸν μὲν ἠλιθιώτεροι, πιστευόμενοι δὲ παρὰ τοῖσ ἐγχωρίοισ. τῷ μὲν γὰρ Σατύρῳ λέγουσι χρῆσαι τὸν θεὸν φυλάξασθαι τὸν μῦν μήποτ’ αὐτὸν ἀνέλῃ. διόπερ οὔτε δοῦλον οὔτ’ ἐλεύθερον τῶν τεταγμένων ὑφ’ ἑαυτὸν εἰά τοῦτ’ ἔχειν τοὔνομα· ἔπειτα δὲ τοὺσ ἐν ταῖσ οἰκίαισ καὶ ταῖσ ἀρούραισ ἐφοβεῖτο μῦσ καὶ τοῖσ παισὶν ἀεὶ συνέταττε τούτουσ ἀποκτείνειν καὶ τὰσ κοίτασ ἐμπλάττειν. πάντα δ’ ἐνδεχομένωσ αὐτοῦ ποιοῦντοσ οἷσ ᾤετο κατισχύσειν τὸ πεπρωμένον, κατέστρεψε τὸν βίον πληγεὶσ τοῦ βραχίονοσ εἰσ τὸν μῦν. τῷ δ’ Εὐμήλῳ χρησμὸσ ἦν τὴν φερομένην οἰκίαν φυλάξασθαι.

ὅθεν πάλιν οὗτοσ εἰσ οἰκίαν οὐκ εἰσῄει προχείρωσ μὴ προδιερευνησάντων τῶν παίδων τὴν ὀροφὴν καὶ τὰ θεμέλια. τελευτήσαντοσ δὲ αὐτοῦ διὰ τὴν ὀχουμένην ἐπὶ τοῦ τεθρίππου σκηνὴν ἕκαστοσ ὑπελάμβανε τετελέσθαι τὸν χρησμόν. καὶ περὶ μὲν τῶν ἐν τῷ Βοσπόρῳ πραχθέντων ἅλισ ἡμῖν ἐχέτω. κατὰ δὲ τὴν Ἰταλίαν οἱ τῶν Ῥωμαίων ὕπατοι μετὰ δυνάμεωσ ἐμβαλόντεσ εἰσ τὴν Ἰταλίαν ἐνίκησαν μάχῃ Σαμνίτασ περὶ τὸ καλούμενον Τάλιον.

τῶν δ’ ἡττηθέντων καταλαμβανομένων τὸν Ιἑρὸν λόφον ὀνομαζόμενον τότε μὲν τῆσ νυκτὸσ ἐπιλαβούσησ οἱ Ῥωμαῖοι πρὸσ τὴν ἰδίαν στρατοπεδείαν ἀπεχώρησαν, τῇ δ’ ὑστεραίᾳ πάλιν μάχησ γενομένησ πολλοὶ μὲν ἀνῃρέθησαν τῶν Σαμνιτῶν, αἰχμάλωτοι δ’ ἐλήφθησαν ὑπὲρ τοὺσ δισχιλίουσ καὶ διακοσίουσ. τοιούτων δὲ προτερημάτων γενομένων τοῖσ Ῥωμαίοισ ἀδεῶσ ἤδη τῶν ὑπαίθρων συνέβαινε κυριεύειν τοὺσ ὑπάτουσ καὶ τὰσ ἀπειθούσασ τῶν πόλεων χειροῦσθαι.

Καταράκταν μὲν οὖν καὶ Κεραυνιλίαν ἐκπολιορκήσαντεσ φρουροὺσ ἐπέθηκαν, τῶν δ’ ἄλλων τινὰσ πείσαντεσ προσηγάγοντο.

일치하는 문장이 없습니다.

SEARCH

MENU NAVIGATION