Diodorus Siculus, Bibliotheca Historica, Books XVIII-XX, book 20, chapter 64

(디오도로스 시켈로스, Bibliotheca Historica, Books XVIII-XX, book 20, chapter 64)

καὶ κομισθεὶσ εἰσ Λιβύην κατέλαβε τὸ στρατόπεδον ἐν ἀθυμίᾳ καὶ σπάνει πολλῇ· διόπερ κρίνων συμφέρειν διαγωνίζεσθαι παρεκάλεσε τοὺσ στρατιώτασ εἰσ τὸν κίνδυνον καὶ προαγαγὼν τὴν δύναμιν ἐκτεταγμένην προεκαλεῖτο τοὺσ βαρβάρουσ εἰσ μάχην. εἶχε δὲ πεζοὺσ μὲν τοὺσ ἅπαντασ ὑπολειπομένουσ Ἕλληνασ ἑξακισχιλίουσ, Κελτοὺσ δὲ καὶ Σαυνίτασ καὶ Τυρρηνοὺσ τούτων οὐκ ἐλάττουσ, Λίβυασ δὲ μικρὸν ἀπολείποντασ τῶν μυρίων, οὓσ ἐφέδρουσ εἶναι συνέβαινε, συμμεταβαλλομένουσ ἀεὶ τοῖσ καιροῖσ·

χωρὶσ δὲ τούτων ἠκολούθουν ἱππεῖσ χίλιοι πεντακόσιοι, ζεύγη δὲ Λιβύων πλείω τῶν ἑξακισχιλίων.

οἱ δὲ Καρχηδόνιοι κατεστρατοπεδευκότεσ ἐπὶ τῶν ὑπερδεξίων καὶ δυσπροσίτων διακινδυνεύειν μὲν πρὸσ ἀνθρώπουσ ἀπογινώσκοντασ τὴν σωτηρίαν οὐκ ἔκρινον, μένοντεσ δ’ ἐν τῇ παρεμβολῇ καὶ πάντων εὐποροῦντεσ τῇ σπάνει καὶ τῷ χρόνῳ καταπολεμήσειν τοὺσ ἐναντίουσ ἤλπιζον. ὁ δ’ Ἀγαθοκλῆσ οὐ δυνάμενοσ μὲν αὐτοὺσ εἰσ τὰ πεδία προάγεσθαι, τῶν δὲ καιρῶν ἀναγκαζόντων τολμᾶν τι καὶ παραβάλλεσθαι τὴν δύναμιν ἤγαγεν ἐπὶ τὴν τῶν βαρβάρων στρατοπεδείαν.

ἐπεξελθόντων οὖν τῶν Καρχηδονίων καὶ πολὺ τῷ πλήθει καὶ ταῖσ δυσχωρίαισ ὑπερεχόντων ἐπὶ μέν τινα χρόνον οἱ περὶ τὸν Ἀγαθοκλέα διεκαρτέρουν πάντοθεν ἐκθλιβόμενοι, μετὰ δὲ ταῦτ’ ἐνδόντων τῶν μισθοφόρων καὶ τῶν ἄλλων ἠναγκάσθησαν ἀναχωρῆσαι πρὸσ τὴν στρατοπεδείαν. οἱ δὲ βάρβαροι βαρέωσ ἐπικείμενοι τοὺσ μὲν Λίβυασ παρήλλαττον οὐδὲν ἐνοχλοῦντεσ, ἵνα τὴν εὔνοιαν αὐτῶν ἐκκαλέσωνται, τοὺσ δ’ Ἕλληνασ καὶ μισθοφόρουσ γνωρίζοντεσ διὰ τῶν ὅπλων ἐφόνευον, μέχρισ ὅτου συνεδίωξαν εἰσ τὴν παρεμβολήν.

τότε μὲν οὖν ἀνῃρέθησαν Ἀγαθοκλέουσ εἰσ τρισχιλίουσ· κατὰ δὲ τὴν ἐπιοῦσαν νύκτα τὰσ δυνάμεισ ἀμφοτέρασ συνέβη περιπεσεῖν παραλόγῳ τινὶ συμφορᾷ καὶ πᾶσιν ἀνελπίστῳ.

일치하는 문장이 없습니다.

SEARCH

MENU NAVIGATION