헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 104)

κατὰ δὲ τὴν Ἰταλίαν Ταραντῖνοι πόλεμον ἔχοντεσ πρὸσ Δευκανοὺσ καὶ Ῥωμαίουσ ἐξέπεμψαν πρεσβευτὰσ εἰσ τὴν Σπάρτην, αἰτούμενοι βοήθειαν καὶ στρατηγὸν Κλεώνυμον. τῶν δὲ Δακεδαιμονίων προθύμωσ ἡγεμόνα δόντων τὸν αἰτούμενον καὶ τῶν Ταραντίνων χρήματα καὶ ναῦσ ἀποστειλάντων ὁ μὲν Κλεώνυμοσ ἐπὶ Ταινάρῳ τῆσ Λακωνικῆσ ξενολογήσασ στρατιώτασ πεντακισχιλίουσ συντόμωσ κατέπλευσεν εἰσ Τάραντα.

ἐνταῦθα δὲ μισθοφόρουσ ἀθροίσασ ἄλλουσ οὐκ ἐλάττουσ τῶν προτέρων κατέγραφε καὶ τοὺσ πολιτικοὺσ πεζοὺσ μὲν πλείουσ τῶν δισμυρίων, ἱππεῖσ δὲ δισχιλίουσ. προσελάβετο δὲ τῶν τε κατ’ Ἰταλίαν Ἑλλήνων τοὺσ πλείστουσ καὶ τὸ τῶν Μεσσαπίων ἔθνοσ. ἁδρᾶσ οὖν δυνάμεωσ περὶ αὐτὸν οὔσησ οἱ μὲν Λευκανοὶ καταπλαγέντεσ φιλίαν ἐποιήσαντο πρὸσ τοὺσ Ταραντίνουσ, τῶν δὲ Μεταποντίνων οὐ προσεχόντων αὐτῷ τοὺσ Λευκανοὺσ ἔπεισεν ἐμβαλεῖν εἰσ τὴν χώραν καὶ τῷ καιρῷ συνεπιθέμενοσ κατεπλήξατο τοὺσ Μεταποντίνουσ.

παρελθὼν δ’ εἰσ τὴν πόλιν ὡσ φίλοσ ἐπράξατο μὲν ἀργυρίου τάλαντα πλείω τῶν ἑξακοσίων, διακοσίασ δὲ παρθένουσ τὰσ ἐπιφανεστάτασ ἔλαβεν εἰσ ὁμηρίαν, οὐχ οὕτω τῆσ περὶ τὴν πίστιν ἀσφαλείασ χάριν, ὡσ τῆσ ἰδίασ ἕνεκεν λαγνείασ. ἀποθέμενοσ γὰρ τὴν Λακωνικὴν ἐσθῆτα διετέλει τρυφῶν καὶ τοὺσ πιστεύσαντασ αὐτῷ καταδουλούμενοσ·

τηλικαύτασ γὰρ ἔχων δυνάμεισ καὶ χορηγίασ οὐδὲν τῆσ Σπάρτησ ἄξιον ἔπραξεν. ἐπεβάλετο μὲν γὰρ ἐπὶ τὴν Σικελίαν στρατεύειν, ὡσ τὴν τυραννίδα μὲν καταλύσων τὴν Ἀγαθοκλέουσ, τὴν δ’ αὐτονομίαν τοῖσ Σικελιώταισ ἀποκαταστήσων, ὑπερθέμενοσ δὲ ἐπὶ τοῦ παρόντοσ ταύτην τὴν στρατείαν ἔπλευσεν εἰσ Κόρκυραν καὶ κρατήσασ τῆσ πόλεωσ χρημάτων τε πλῆθοσ εἰσεπράξατο καὶ φρουρὰν ἐγκατέστησε, διανοούμενοσ ὁρμητηρίῳ τούτῳ τῷ τόπῳ χρήσασθαι καὶ τοῖσ περὶ τὴν Ἑλλάδα πράγμασιν ἐφεδρεύειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 104

(디오도로스 시켈로스, Bibliotheca Historica, Books XVIII-XX, book 20, chapter 104)

상위

목록

SEARCH

MENU NAVIGATION