Diodorus Siculus, Bibliotheca Historica, Books XVIII-XX, book 20, chapter 5

(디오도로스 시켈로스, Bibliotheca Historica, Books XVIII-XX, book 20, chapter 5)

ὡσ δ’ εὐτρεπῆ πάντ’ ἦν, πληρώσασ ἑξήκοντα ναῦσ ἐπετήρει καιρὸν οἰκεῖον πρὸσ τὸν ἔκπλουν. ἀγνοουμένησ δὲ τῆσ ἐπινοίασ αὐτοῦ τινὲσ μὲν εἰσ τὴν Ἰταλίαν ὑπελάμβανον αὐτὸν στρατεύειν, τινὲσ δὲ πορθήσειν τῆσ Σικελίασ τὴν ὑπὸ Καρχηδονίουσ, πάντεσ δὲ ἀπεγίνωσκον τῶν ἐκπλεῖν μελλόντων τὴν σωτηρίαν καὶ τοῦ δυνάστου τὴν μανίαν κατεγίνωσκον. ἐφορμούντων δὲ τῶν πολεμίων πολλαπλασίαισ τριήρεσι τὸ μὲν πρῶτον ἐφ’ ἡμέρασ τινὰσ ἠνάγκάζε συνέχειν ἑαυτοὺσ ἐν ταῖσ ναυσὶ τοὺσ στρατιώτασ, οὐ δυναμένουσ ἐκπλεῦσαι·

ἔπειτα δὲ σιτηγῶν πλοίων τῇ πόλει προσθεόντων οἱ μὲν Καρχηδόνιοι παντὶ τῷ στόλῳ πρὸσ τὰσ ναῦσ ἀνήχθησαν, ὁ δ’ Ἀγαθοκλῆσ ἀπελπίζων ἤδη τὴν ἐπιβολήν, ὡσ ἴδεν τὸ στόμα τοῦ λιμένοσ ἔρημον τῶν ἐφορμούντων, ἐξέπλευσεν ὀξείαισ ταῖσ εἰρεσίαισ χρώμενοσ. εἶθ’ οἱ μὲν Καρχηδόνιοι πλησίον ἤδη τῶν φορτηγῶν ὄντεσ, ὡσ ἴδον τοὺσ πολεμίουσ ἀθρόαισ ταῖσ ναυσὶ πλέοντασ, τὸ μὲν πρῶτον ὑπολαβόντεσ αὐτὸν ὡρμηκέναι πρὸσ τὴν τῶν σιτηγῶν βοήθειαν, ἀνέστρεφον καὶ τὸν στόλον ἐξήρτυον εἰσ ναυμαχίαν·

ὡσ δ’ ἐπ’ εὐθείασ ἑώρων παραθέοντασ καὶ πολὺ τοῦ πλοῦ προλαμβάνοντασ, ἐποιοῦντο τὸν διωγμόν. ἔνθα δὴ τούτων πρὸσ ἀλλήλουσ φιλοτιμουμένων τὰ μὲν τὴν ἀγορὰν κομίζοντα πλοῖα παραδόξωσ ἐκφυγόντα τὸν κίνδυνον πολλὴν εὐπορίαν ἐποίησεν ἐν ταῖσ Συρακούσσαισ τῶν ἐπιτηδείων, σιτοδείασ ἤδη τὴν πόλιν ἐχούσησ, ὁ δ’ Ἀγαθοκλῆσ περικατάληπτοσ ἤδη γινόμενοσ ἐπιλαβούσησ τῆσ νυκτὸσ ἀνελπίστου σωτηρίασ ἔτυχεν.

τῇ δ’ ὑστεραίᾳ τηλικαύτην ἔκλειψιν ἡλίου συνέβη γενέσθαι ὥστε ὁλοσχερῶσ φανῆναι νύκτα, θεωρουμένων τῶν ἀστέρων πανταχοῦ·

διόπερ οἱ περὶ τὸν Ἀγαθοκλέα, νομίσαντεσ καὶ τὸ θεῖον αὐτοῖσ προσημαίνειν τὸ δυσχερέσ, ἔτι μᾶλλον ὑπὲρ τοῦ μέλλοντοσ ἐν ἀγωνίᾳ καθειστήκεισαν.

일치하는 문장이 없습니다.

SEARCH

MENU NAVIGATION