헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 9)

οἱ δ’ ἐφορμοῦντεσ Καρχηδόνιοι τῷ ναυστάθμῳ τῶν Σικελιωτῶν τὸ μὲν πρῶτον ὁρῶντεσ καομένασ τὰσ ναῦσ περιχαρεῖσ ἦσαν, ὡσ διὰ τὸν ἀπ’ αὐτῶν φόβον ἠναγκασμένων τῶν πολεμίων διαφθεῖραι τὰ σκάφη· ὡσ δ’ ἴδον εἰσ τὴν χώραν προάγουσαν τὴν τῶν ἐναντίων δύναμιν, συλλογιζόμενοι περὶ τῶν ἀποβησομένων συμφορὰν ἰδίαν ἡγοῦντο τὴν τῶν νεῶν ἀπώλειαν. διὸ καὶ ταῖσ πρῴραισ δέρρεισ κατεπέτασαν, ὅπερ ἀεὶ ποιεῖν εἰώθασιν, ὅταν τι κακὸν δημοσίᾳ συμβεβηκέναι δόξῃ τῇ Καρχηδονίων πόλει, ἔλαβόν τε καὶ τὰ χαλκώματα τῶν Ἀγαθοκλέουσ νεῶν εἰσ τὰσ ἰδίασ τριήρεισ καὶ τοὺσ ἀπαγγελοῦντασ ὑπὲρ τῶν συμβεβηκότων τἀκριβὲσ ἐξαπέστειλαν εἰσ τὴν Καρχηδόνα. πρὶν δὲ τούτουσ δηλῶσαι τὸ γεγονόσ, ἀπὸ τῆσ χώρασ τινὲσ αἰσθόμενοι τὸν κατάπλουν τὸν Ἀγαθοκλέουσ ἀπήγγειλαν κατὰ σπουδὴν τοῖσ Καρχηδονίοισ.

οἱ δ’ ἐκπλαγέντεσ διὰ τὸ παράδοξον ὑπέλαβον ἀπολωλέναι τὰσ ἰδίασ δυνάμεισ ἐν Σικελίᾳ καὶ τὰσ πεζικὰσ καὶ τὰσ ναυτικάσ·

οὐ γὰρ ἄν ποτε τὸν Ἀγαθοκλέα μὴ νενικηκότα τολμῆσαι καταλιπεῖν ἐρήμουσ βοηθείασ τὰσ Συρακούσσασ οὐδ’ ἂν ἐπιβαλέσθαι περαιοῦν δύναμιν θαλασσοκρατούντων τῶν πολεμίων. διόπερ θόρυβοσ καὶ πολλὴ ταραχὴ κατεῖχε τὴν πόλιν καὶ συνδρομὴ τῶν ὄχλων εἰσ τὴν ἀγορὰν ἐγίνετο καὶ βουλὴ τῆσ γερουσίασ ὅ,τι δέοι πράττειν.

στρατόπεδον μὲν γὰρ οὐκ ἦν ἕτοιμον τὸ δυνάμενον ἀντιτάξασθαι, τὸ δὲ πολιτικὸν πλῆθοσ ἄπειρον ὂν πολέμου προκαταπεπτώκει ταῖσ ψυχαῖσ, οἱ πολέμιοι δὲ πλησίον εἶναι τῶν τειχῶν προσεδοκῶντο. ἔνιοι μὲν οὖν ἔφασαν πρεσβευτὰσ ὑπὲρ εἰρήνησ ἀποστέλλειν πρὸσ Ἀγαθοκλέα, τοὺσ αὐτοὺσ ἅμα καὶ κατασκόπουσ ἐσομένουσ τῶν παρὰ τοῖσ πολεμίοισ, τινὲσ δὲ ἀναμεῖναι μέχρι ἂν γνῶσιν ἀκριβῶσ ἕκαστον τῶν πεπραγμένων.

τοιαύτησ δὲ συγχύσεωσ τὴν πόλιν ἐχούσησ κατέπλευσαν οἱ πεμφθέντεσ ὑπὸ τοῦ ναυάρχου καὶ τὰσ αἰτίασ τῶν πεπραγμένων ἐδήλωσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 9

(디오도로스 시켈로스, Bibliotheca Historica, Books XVIII-XX, book 20, chapter 9)

상위

목록

SEARCH

MENU NAVIGATION