헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 24)

ὃσ ταφὴν συντελέσασ μεγαλοπρεπῆ καὶ καταθέμενοσ εἰσ τὰσ βασιλικὰσ θήκασ τὸ σῶμα ταχέωσ ἧκεν εἰσ Γάργαζαν καὶ τὴν δύναμιν ἅμα καὶ τὴν δυναστείαν παρέλαβεν. Εὐμήλου δὲ διαπρεσβευομένου περὶ μέρουσ τῆσ βασιλείασ τούτῳ μὲν οὐ προσεῖχεν, ἐν δὲ Γαργάζῃ φρουρὰν ἀπολιπὼν ἐπανῆλθεν εἰσ Παντικάπαιον, ἀσφαλισόμενοσ τὰ κατὰ τὴν βασιλείαν. καθ’ ὃν δὴ χρόνον Εὔμηλοσ, συναγωνισαμένων αὐτῷ τῶν βαρβάρων, τήν τε Γάργαζαν κατελάβετο καὶ τῶν ἄλλων πολισμάτων καὶ χωρίων οὐκ ὀλίγα. ἐπιστρατεύσαντοσ δὲ τοῦ Πρυτάνιδοσ μάχῃ τε ἐνίκησε τὸν ἀδελφὸν καὶ συγκλείσασ εἰσ τὸν ἰσθμὸν τὸν πλησίον τῆσ Μαιώτιδοσ λίμνησ συνηνάγκασεν ὁμολογίασ θέσθαι, καθ’ ἃσ τούσ τε στρατιώτασ παρέδωκε καὶ τῆσ βασιλείασ ἐκχωρεῖν ὡμολόγησεν.

ὡσ δὲ παρεγένετο εἰσ Παντικάπαιον, ἐν ᾧ τὸ βασίλειον ἦν ἀεὶ τῶν ἐν Βοσπόρῳ βασιλευσάντων, ἐπεχείρησε μὲν πάλιν ἀνακτᾶσθαι τὴν βασιλείαν, κατισχυθεὶσ δὲ καὶ φυγὼν εἰσ τοὺσ καλουμένουσ Κήπουσ ἀνῃρέθη. Εὔμηλοσ δὲ μετὰ τὸν τῶν ἀδελφῶν θάνατον βουλόμενοσ ἀσφαλῶσ θέσθαι τὰ κατὰ τὴν ἀρχὴν ἀνεῖλε τούσ τε φίλουσ τῶν περὶ τὸν Σάτυρον καὶ Πρύτανιν, ἔτι δὲ τὰσ γυναῖκασ καὶ τὰ τέκνα.

μόνοσ δὲ διέφυγεν αὐτὸν ὁ παῖσ ὁ Σατύρου Παρυσάδησ, νέοσ ὢν παντελῶσ τὴν ἡλικίαν· ἐξιππεύσασ γὰρ ἐκ τῆσ πόλεωσ κατέφυγε πρὸσ Ἄγαρον τὸν βασιλέα τῶν Σκυδῶν. ἀγανακτούντων δὲ τῶν πολιτῶν ἐπὶ τῷ φόνῳ τῶν οἰκείων συναγαγὼν εἰσ ἐκκλησίαν τὰ πλήθη περί τε τούτων ἀπελογήσατο καὶ τὴν πάτριον πολιτείαν ἀποκατέστησεν.

συνεχώρησε δὲ καὶ τὴν ἀτέλειαν ἔχειν τὴν ἐπὶ τῶν προγόνων οὖσαν τοῖσ Παντικάπαιον οἰκοῦσι. προσεπηγγείλατο δὲ καὶ τῶν εἰσφορῶν ἅπαντασ ἀφήσειν καὶ πολλὰ διελέχθη δημαγωγῶν τὰ πλήθη. ταχὺ δὲ πάντων εἰσ τὴν προϋπάρχουσαν εὔνοιαν ἀποκαταστάντων διὰ τὰσ εὐεργεσίασ τὸ λοιπὸν ἐβασίλευεν ἄρχων νομίμωσ τῶν ὑποτεταγμένων καὶ διὰ τὴν ἀρετὴν οὐ μετρίωσ θαυμαζόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 24

(디오도로스 시켈로스, Bibliotheca Historica, Books XVIII-XX, book 20, chapter 24)

상위

목록

SEARCH

MENU NAVIGATION