헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 101)

ἡμεῖσ δὲ τὰ περὶ τὴν Ἑλλάδα καὶ τὴν Ἀσίαν διευκρινηκότεσ μεταβιβάσομεν τὸν λόγον ἐπὶ θάτερα μέρη τῆσ οἰκουμένησ. κατὰ μὲν γὰρ τὴν Σικελίαν Ἀγαθοκλῆσ, εἰρήνην ἀγόντων τῶν Λιπαραίων, ἐπιπλεύσασ αὐτοῖσ ἀπροσδοκήτωσ εἰσεπράξατο τοὺσ μηδ’ ὁτιοῦν προαδικήσαντασ ἀργυρίου τάλαντα πεντήκοντα. ὅτε δὴ πολλοῖσ ἔδοξε θεῖον εἶναι τὸ ῥηθησόμενον, τῆσ παρανομίασ τυχούσησ ἐπισημασίασ παρὰ τοῦ δαιμονίου.

ἀξιούντων γὰρ τῶν Λιπαραίων εἰσ τὰ προσελλείποντα τῶν χρημάτων δοῦναι χρόνον καὶ λεγόντων μηδέποτε τοῖσ ἱεροῖσ ἀναθήμασι κατακεχρῆσθαι, ὁ Ἀγαθοκλῆσ βιασάμενοσ αὐτοὺσ δοῦναι τὰ κατὰ τὸ πρυτανεῖον, ὧν εἶχον ἐπιγραφὴν τὰ μὲν Αἰόλου, τὰ δ’ Ἡφαίστου, λαβὼν παραχρῆμα ἐξέπλευσεν. πνεύματοσ δ’ ἐπιγενομένου τῶν νεῶν ἕνδεκα συνετρίβησαν αἱ τὰ χρήματα κομίζουσαι. διόπερ ἔδοξε πολλοῖσ ὁ μὲν λεγόμενοσ περὶ τοὺσ τόπουσ ἐκείνουσ εἶναι κύριοσ τῶν ἀνέμων εὐθὺσ κατὰ τὸν πρῶτον πλοῦν λαβεῖν παρ’ αὐτοῦ τιμωρίαν, ὁ δὲ Ἥφαιστοσ ἐπὶ τῆσ τελευτῆσ, οἰκείωσ τῆσ ἀσεβείασ κολάσασ τὸν τύραννον ἐν τῇ πατρίδι, συνωνύμωσ ἐπὶ θερμοῖσ τοῖσ ἄνθραξι κατακαύσασ ζῶντα·

τῆσ γὰρ αὐτῆσ προαιρέσεωσ ἦν καὶ δικαιοσύνησ τὸ τῶν περὶ τὴν Αἴτνην σωζόντων τοὺσ ἑαυτῶν γονεῖσ ἀποσχέσθαι καὶ τὸ τοὺσ ἀσεβοῦντασ εἰσ τὸ θεῖον διὰ τῆσ ἰδίασ δυνάμεωσ μετελθεῖν. οὐ μὴν ἀλλ’ ὑπὲρ μὲν τῆσ καταστροφῆσ Ἀγαθοκλέουσ, ὅταν πρὸσ τοὺσ οἰκείουσ χρόνουσ ἔλθωμεν αὐτοῦ, τὸ γενόμενον βεβαιώσει τὸ νῦν εἰρημένον·

ἐφεῆσ δὲ ῥητέον ἡμῖν τὰ πραχθέντα κατὰ τοὺσ συνεχεῖσ τῆσ Ἰταλίασ τόπουσ. Ῥωμαῖοι μὲν καὶ Σαμνῖται διαπρεσβευσάμενοι πρὸσ ἀλλήλουσ εἰρήνην συνέθεντο, πολεμήσαντεσ ἔτη εἴκοσι δύο καὶ μῆνασ ἕξ·

τῶν δ’ ὑπάτων Πόπλιοσ Σεμπρώνιοσ μετὰ δυνάμεωσ ἐμβαλὼν εἰσ τὴν τῶν Αἰκλῶν χώραν ἐχειρώσατο τετταράκοντα πόλεισ ἐν ἡμέραισ ταῖσ πάσαισ πεντήκοντα, ἀναγκάσασ δὲ πᾶν τὸ ἔθνοσ ὑποτάττεσθαι Ῥωμαίοισ ἐπανῆλθε καὶ θρίαμβον κατήγαγεν ἐπαινούμενον. ὁ δὲ δῆμοσ ὁ Ῥωμαίων πρόσ τε Μαρσοὺσ καὶ Παλιγνούσ, ἔτι δὲ Μαρρουκίνουσ, συμμαχίαν ἐποιήσατο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 101

(디오도로스 시켈로스, Bibliotheca Historica, Books XVIII-XX, book 20, chapter 101)

상위

목록

SEARCH

MENU NAVIGATION