Diodorus Siculus, Bibliotheca Historica, Books XVIII-XX, book 20, chapter 110

(디오도로스 시켈로스, Bibliotheca Historica, Books XVIII-XX, book 20, chapter 110)

κατὰ δὲ τὴν Ἑλλάδα Δημήτριοσ διατρίβων ἐν ταῖσ Ἀθήναισ ἔσπευδε μυηθῆναι καὶ καταλαβεῖν τὴν ἐν Ἐλευσῖνι τελετήν. ἀπεχούσησ δὲ χρόνον ἱκανὸν τῆσ κατὰ νόμουσ ἡμέρασ, καθ’ ἣν εἰώθεισαν Ἀθηναῖοι συντελεῖν τὴν τελετήν, ἔπεισε τὸν δῆμον διὰ τὰσ εὐεργεσίασ κινῆσαι τὸ πάτριον ἔθοσ. παραδοὺσ οὖν αὑτὸν ἄνοπλον τοῖσ ἱερεῦσι καὶ πρὸ τῆσ ὡρισμένησ ἡμέρασ μυηθεὶσ ἀνέζευξεν ἐκ τῶν Ἀθηνῶν. καὶ τὸ μὲν πρῶτον εἰσ Χαλκίδα τῆσ Εὐβοίασ ἤθροισε τὸν στόλον καὶ τὴν πεζὴν δύναμιν·

μετὰ δὲ ταῦτα πυθόμενοσ τοὺσ περὶ Κάσανδρον προκατειλῆφθαι τὰσ παρόδουσ, πεζῇ μὲν ἀπέγνω τὴν εἰσ Θετταλίαν ποιεῖσθαι πορείαν, παραπλεύσασ δὲ μετὰ τῆσ δυνάμεωσ εἰσ τὸν ἐν Λαρίσῃ λιμένα καὶ τὴν δύναμιν ἐκβιβάσασ τὴν μὲν πόλιν ἐξ ἐφόδου παρέλαβε, τὴν δ’ ἄκραν ἐκπολιορκήσασ τοὺσ μὲν φρουροὺσ δήσασ παρέδωκεν εἰσ φυλακήν, τοῖσ δὲ Λαρισαίοισ τὴν αὐτονομίαν ἀποκατέστησεν. μετὰ δὲ ταῦτα Ἀντρῶνασ μὲν καὶ Πτελεὸν προσηγάγετο, Δίον δὲ καὶ Ὀρχομενὸν μετοικίζοντοσ εἰσ Θήβασ Κασάνδρου διεκώλυσε μετοικισθῆναι τὰσ πόλεισ.

Κάσανδροσ δὲ θεωρῶν τὰ πράγματα τῷ Δημητρίῳ κατὰ νοῦν χωροῦντα Φερὰσ μὲν καὶ Θήβασ ἁδροτέραισ φρουραῖσ παρεφύλαττε, τὴν δὲ δύναμιν πᾶσαν εἰσ ἕνα τόπον ἀθροίσασ ἀντεστρατοπέδευσε τοῖσ περὶ τὸν Δημήτριον. εἶχε δὲ τοὺσ σύμπαντασ πεζοὺσ μὲν εἰσ δισμυρίουσ ἐννακισχιλίουσ, ἱππεῖσ δὲ δισχιλίουσ.

τῷ δὲ Δημητρίῳ συνηκολούθουν ἱππεῖσ μὲν χίλιοι καὶ πεντακόσιοι, πεζοὶ δὲ Μακεδόνεσ οὐκ ἐλάττουσ τῶν ὀκτακισχιλίων, μισθοφόροι δ’ εἰσ μυρίουσ καὶ πεντακισχιλίουσ, ἐκ δὲ τῶν κατὰ τὴν Ἑλλάδα πόλεων δισμύριοι καὶ πεντακισχίλιοι, ψιλικὰ δὲ τάγματα καὶ πειρατῶν παντοδαπῶν τῶν συντρεχόντων ἐπὶ τοὺσ πολέμουσ καὶ τὰσ ἁρπαγὰσ οὐκ ἐλάττουσ τῶν ὀκτακισχιλίων, ὥστ’ εἶναι τοὺσ ἅπαντασ πεζοὺσ περὶ τοὺσ πεντακισμυρίουσ ἑξακισχιλίουσ. ἀντικαθημένων δὲ τῶν στρατοπέδων ἀλλήλοισ ἐπὶ πολλὰσ ἡμέρασ ἐκτάξεισ μὲν ἐγίνοντο παρ’ ἀμφοτέροισ, εἰσ μάχην δὲ οὐδέτεροσ συγκατέβαινε, καραδοκῶν τὴν ἐπὶ τῆσ Ἀσίασ ἐσομένην τῶν ὅλων κρίσιν.

Δημήτριοσ δέ, τῶν Φεραίων ἐπικαλεσαμένων αὐτόν, παρεισπεσὼν εἰσ τὴν πόλιν μετὰ μέρουσ τῆσ δυνάμεωσ τὴν μὲν ἄκραν ἐκπολιορκήσασ ὑποσπόνδουσ ἀφῆκε τοὺσ παρὰ Κασάνδρου στρατιώτασ, τοῖσ δὲ Φεραίοισ τὴν ἐλευθερίαν ἀποκατέστησεν.

일치하는 문장이 없습니다.

SEARCH

MENU NAVIGATION