Diodorus Siculus, Bibliotheca Historica, Books XVIII-XX, book 20, chapter 28

(디오도로스 시켈로스, Bibliotheca Historica, Books XVIII-XX, book 20, chapter 28)

ἅμα δὲ τούτοισ πραττομένοισ Πολυπέρχων μὲν ἠθροικὼσ ἁδρὰν δύναμιν κατήγαγεν ἐπὶ τὴν πατρῴαν βασιλείαν Ἡρακλέα τὸν Ἀλεξάνδρου καὶ Βαρσίνησ, Κάσανδροσ δὲ καταστρατοπεδεύσαντοσ αὐτοῦ περὶ τὴν καλουμένην Στυμφαίαν ἧκεν μετὰ τῆσ δυνάμεωσ. οὐ μακρὰν δὲ τῶν παρεμβολῶν ἀπεχουσῶν ἀλλήλων καὶ τῶν Μακεδόνων οὐκ ἀηδῶσ ὁρώντων τὴν κάθοδον τοῦ βασιλέωσ, δείσασ ὁ Κάσανδροσ μήποτε φύσει πρὸσ μεταβολὴν ὄντεσ ὀξεῖσ οἱ Μακεδόνεσ αὐτομολήσωσι πρὸσ τὸν Ἡρακλέα, διεπρεσβεύσατο πρὸσ Πολυπέρχοντα. καὶ περὶ μὲν τοῦ βασιλέωσ ἐπειρᾶτο διδάσκειν αὐτὸν ὅτι γινομένησ τῆσ καθόδου ποιήσει τὸ προσταττόμενον ὑφ’ ἑτέρων, συναγωνισάμενοσ δὲ αὐτῷ καὶ τὸν νεανίσκον ἀνελὼν παραχρῆμα μὲν ἀπολήψεται τὰσ προγεγενημένασ κατὰ Μακεδονίαν δωρεάσ, εἶτα καὶ δύναμιν ἀναλαβὼν στρατηγὸσ ἀποδειχθήσεται περὶ Πελοπόννησον καὶ πάντων τῶν ἐν τῇ δυναστείᾳ τῇ Κασάνδρου κοινωνὸσ ἔσται, τιμώμενοσ διαφόρωσ.

πέρασ δὲ πολλαῖσ καὶ μεγάλαισ ἐπαγγελίαισ πείσασ τὸν Πολυπέρχοντα καὶ συνθήκασ ἐν ἀπορρήτοισ συνθέμενοσ προετρέψατο δολοψονῆσαι τὸν βασιλέα. ὁ δὲ Πολυπέρχων ἀνελὼν τὸν νεανίσκον καὶ φανερῶσ κοινοπραγῶν τοῖσ περὶ τὸν Κάσανδρον τάσ τ’ ἐν τῇ Μακεδονίᾳ δωρεὰσ ἐκομίσατο καὶ κατὰ τὰσ ὁμολογίασ παρέλαβε στρατιώτασ πεζοὺσ μὲν Μακεδόνασ τετρακισχιλίουσ, ἱππεῖσ δὲ Θετταλοὺσ πεντακοσίουσ.

προσλαβόμενοσ δὲ καὶ τῶν ἄλλων τοὺσ βουλομένουσ ἐπεχείρησε μὲν διὰ τῆσ Βοιωτίασ προάγειν εἰσ Πελοπόννησον, ὑπὸ δὲ Βοιωτῶν καὶ Πελοποννησίων κωλυθεὶσ ἀνέστρεψε καὶ προελθὼν εἰσ Λοκροὺσ ἐνταῦθα τὴν παραχειμασίαν ἐποιεῖτο.

일치하는 문장이 없습니다.

SEARCH

MENU NAVIGATION