헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 113)

ἐν δὲ ταῖσ αὐταῖσ ἡμέραισ καὶ Πτολεμαῖοσ ὁ βασιλεὺσ ἀναζεύξασ ἐξ Αἰγύπτου μετὰ δυνάμεωσ ἀξιολόγου τὰσ μὲν ἐν τῇ Κοίλῃ Συρίᾳ πόλεισ ἁπάσασ ὑποχειρίουσ ἐποιήσατο· Σιδῶνα δὲ πολιορκοῦντοσ αὐτοῦ τινεσ παρῆσαν ἀπαγγέλλοντεσ ψευδῶσ ὅτι παρατάξεωσ γενομένησ τοῖσ βασιλεῦσιν οἱ μὲν περὶ Λυσίμαχον καὶ Σέλευκον ἡττηθέντεσ ἀποκεχωρήκασιν εἰσ τὴν Ἡράκλειαν, Ἀντίγονοσ δὲ νενικηκὼσ προσάγει μετὰ δυνάμεωσ ἐπὶ Συρίασ. παραλογισθεὶσ οὖν ὑπὸ τούτων καὶ πεισθεὶσ ἀληθῆ τὴν προσαγγελίαν εἶναι, πρὸσ μὲν τοὺσ Σιδωνίουσ εἰσ τέτταρασ μῆνασ ἀνοχὰσ ἐποιήσατο, τὰσ δὲ χειρωθείσασ πόλεισ φρουραῖσ ἀσφαλισάμενοσ ἐπανῆλθε μετὰ τῆσ δυνάμεωσ εἰσ Αἴγυπτον.

ἅμα δὲ τούτοισ πραττομένοισ οἱ τῶν παρὰ Λυσιμάχῳ στρατιωτῶν αὐτομολήσαντεσ ἐκ τῆσ χειμασίασ παρ’ Ἀντίγονον Αὐταριάται μὲν δισχίλιοι, Λύκιοι δὲ καὶ Παμφύλιοι περὶ ὀκτακοσίουσ.

τούτοισ μὲν οὖν Ἀντίγονοσ φιλανθρώπωσ προσενεχθεὶσ τούσ τε μισθοὺσ ἔδωκεν, οὓσ ἔφασαν ὀφείλεσθαι παρὰ Λυσιμάχου, καὶ δωρεαῖσ ἐτίμησε. καθ’ ὃν δὴ χρόνον ἦλθε καὶ Σέλευκοσ ἐκ τῶν ἄνω σατραπειῶν διαβεβηκὼσ εἰσ Καππαδοκίαν μετὰ πολλῆσ δυνάμεωσ καὶ κατασκευάσασ στεγνὰ τοῖσ στρατιώταισ παρεχείμαζεν.

εἶχε δὲ πεζοὺσ μὲν εἰσ δισμυρίουσ, ἱππεῖσ δὲ σὺν τοῖσ ἱπποτοξόταισ περὶ μυρίουσ δισχιλίουσ, ἐλέφαντασ δὲ ὀγδοήκοντα πρὸσ τοῖσ τετρακοσίοισ, ἁρ́ματα δὲ δρεπανηφόρα πλείω τῶν ἑκατόν. αἱ μὲν οὖν τῶν βασιλέων δυνάμεισ τοῦτον τὸν τρόπον ἠθροίζοντο, κεκρικότων ἁπάντων κατὰ τὴν ἐπιοῦσαν θερίαν διὰ τῶν ὅπλων κρῖναι τὸν πόλεμον.

ἡμεῖσ δέ, καθάπερ ἐν ἀρχῇ προεθέμεθα, τὸν γενόμενον τούτοισ τοῖσ βασιλεῦσι πρὸσ ἀλλήλουσ πόλεμον περὶ τῶν ὅλων πράξεων ἀρχὴν ποιησόμεθα τῆσ ἑπομένησ βίβλου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 113

(디오도로스 시켈로스, Bibliotheca Historica, Books XVIII-XX, book 20, chapter 113)

상위

목록

SEARCH

MENU NAVIGATION