헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 34)

οἱ δὲ Καρχηδόνιοι γνόντεσ τὴν παρὰ τοῖσ πολεμίοισ στάσιν ἔπεμψάν τινασ ἀξιοῦντεσ μεταβάλλεσθαι καὶ τούσ τε μισθοὺσ μείζουσ καὶ δωρεὰσ ἀξιολόγουσ δώσειν ἐπηγγέλλοντο. πολλοὶ μὲν οὖν τῶν ἡγεμόνων ἀπάξειν πρὸσ αὐτοὺσ τὴν στρατιὰν ἐπηγγείλαντο· ὁ δ’ Ἀγαθοκλῆσ ὁρῶν τὴν σωτηρίαν ἐπὶ ῥοπῆσ κειμένην καὶ φοβούμενοσ μὴ τοῖσ πολεμίοισ παραδοθεὶσ μεθ’ ὕβρεωσ καταστρέψῃ τὸν βίον, ὑπέλαβε κρεῖττον εἶναι, κἂν δέῃ τι πάσχειν, ὑπὸ τῶν στρατιωτῶν ἀποθανεῖν.

διόπερ ἀποθέμενοσ τὴν πορφύραν καὶ μεταλαβὼν ἰδιωτικὴν καὶ ταπεινὴν ἐσθῆτα παρῆλθεν εἰσ τὸ μέσον.

σιωπῆσ οὖν γενομένησ διὰ τὸ παράδοξον καὶ πολλῶν γενομένων τῶν συνδραμόντων διεξῆλθε λόγουσ οἰκείουσ τῆσ περιστάσεωσ καὶ τῶν προκατεργασθεισῶν αὐτῷ πράξεων ἀναμνήσασ ἔφησεν ἕτοιμοσ εἶναι τελευτᾶν, εἰ τοῦτο δόξει συμφέρειν τοῖσ συστρατευομένοισ· οὐδέποτε γὰρ αὐτὸν δειλίᾳ συνεσχημένον ὑπομεῖναί τι παθεῖν ἄτοπον ἕνεκα τοῦ φιλοψυχεῖν.

καὶ τούτου μάρτυρασ ἐκείνουσ ὑπάρχειν ἀποφαινόμενοσ ἐγύμνωσε τὸ ξίφοσ, ὡσ σφάξων ἑαυτόν. μέλλοντοσ δ’ ἐπιφέρειν πληγὴν ἀνεβόησε τὸ στρατόπεδον διακωλῦον καὶ πανταχόθεν ἐγίνοντο φωναὶ τῶν ἐγκλημάτων ἀπολύουσαι. προστάττοντοσ δὲ τοῦ πλήθουσ ἀναλαβεῖν τὴν βασιλικὴν ἐσθῆτα δακρύων καὶ τοῖσ ὄχλοισ εὐχαριστῶν ἐνεδύετο τὸν προσήκοντα κόσμον, τοῦ πλήθουσ τὴν ἀποκατάστασιν κρότῳ παραμυθησαμένου.

τῶν δὲ Καρχηδονίων καραδοκούντων ὡσ αὐτίκα μάλα τῶν Ἑλλήνων πρὸσ αὐτοὺσ μεταθησομένων, Ἀγαθοκλῆσ οὐ παρεὶσ τὸν καιρὸν ἐξήγαγεν ἐπ’ αὐτοὺσ τὴν δύναμιν. οἱ μὲν οὖν βάρβαροι νομίζοντεσ τοὺσ ἐναντίουσ ἀποχωρεῖν πρὸσ αὑτούσ, οὐδεμίαν τῶν πρὸσ ἀλήθειαν πεπραγμένων ἔννοιαν ἐλάμβανον·

ὁ δ’ Ἀγαθοκλῆσ ὡσ ἐπλησίασε τοῖσ πολεμίοισ, ἄφνω τὸ πολεμικὸν προσέταξε σημαίνειν καὶ προσπεσὼν πολὺν ἐποίει φόνον. οἱ δὲ Καρχηδόνιοι παραδόξῳ συμπτώματι περιπεσόντεσ καὶ πολλοὺσ τῶν στρατιωτῶν ἀποβαλόντεσ συνέφυγον εἰσ τὴν παρεμβολήν. Ἀγαθοκλῆσ μὲν οὖν διὰ τὸν υἱὸν εἰσ τοὺσ ἐσχάτουσ ἐλθὼν κινδύνουσ διὰ τῆσ ἰδίασ ἀρετῆσ οὐ μόνον λύσιν εὑρ͂ε τῶν κακῶν, ἀλλὰ καὶ τοὺσ πολεμίουσ ἠλάττωσεν·

οἱ δὲ τῆσ στάσεωσ μάλιστ’ αἴτιοι γενόμενοι καὶ τῶν ἄλλων ὅσοι πρὸσ τὸν δυνάστην ἀλλοτρίωσ διέκειντο, ὑπὲρ τοὺσ διακοσίουσ ὄντεσ, ἐτόλμησαν πρὸσ τοὺσ Καρχηδονίουσ αὐτομολῆσαι. ἡμεῖσ δὲ τὰ περὶ Λιβύην καὶ Σικελίαν διεληλυθότεσ μνησθησόμεθα καὶ τῶν ἐν Ἰταλίᾳ πραχθέντων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 34

(디오도로스 시켈로스, Bibliotheca Historica, Books XVIII-XX, book 20, chapter 34)

상위

목록

SEARCH

MENU NAVIGATION