헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 7)

οὕτω δὲ παράβολον ἐπιτελεσάμενοσ πρᾶξιν, ἄλλην ἐτόλμησε ταύτησ μᾶλλον κεκινδυνευμένην. τὴν δημηγορίαν ἐστεφανωμένοσ ἐν ἱματίῳ λαμπρῷ καὶ προδιαλεχθεὶσ οἰκείωσ τοῖσ ἐγχειρουμένοισ ἔφησε ταῖσ κατεχούσαισ Σικελίαν θεαῖσ Δήμητρι καὶ Κόρῃ πεποιῆσθαι, καθ’ ὃν καιρὸν ἐδιώχθησαν ὑπὸ Καρχηδονίων, εὐχὰσ λαμπαδεύσειν ἁπάσασ τὰσ ναῦσ.

καλῶσ οὖν ἔχειν τετευχότασ τῆσ σωτηρίασ ἀποδιδόναι τὰσ εὐχάσ. ἀντὶ δὲ τούτων ἐπηγγέλλετο πολλαπλασίουσ ἀποδώσειν προθύμωσ αὐτῶν ἀγωνισαμένων· καὶ γὰρ τὰσ θεὰσ διὰ τῶν ἱερῶν προσημαίνειν νίκην τοῦ σύμπαντοσ πολέμου.

ἅμα δὲ ταῦτα λέγοντοσ αὐτοῦ τῶν ὑπηρετῶν τισ προσήνεγκεν ἡμμένην δᾷδα·

ἣν δεξάμενοσ καὶ τοῖσ τριηράρχοισ ὁμοίωσ ἅπασι προστάξασ ἀναδοῦναι τάσ τε θεὰσ ἐπεκαλέσατο καὶ πρῶτοσ ὡρ́μησεν ἐπὶ τὴν ναυαρχίδα τριήρη· στὰσ δ’ ἐπὶ τὴν πρύμναν καὶ τοῖσ ἄλλοισ τὸ παραπλήσιον ποιεῖν παρεκελεύετο. ἔνθα δὴ τῶν τριηράρχων ἁπάντων ἐνέντων τὸ πῦρ καὶ ταχὺ τῆσ φλογὸσ εἰσ ὕψοσ ἀρθείσησ οἱ μὲν σαλπιγκταὶ τὸ πολεμικὸν ἐσήμαινον, τὸ δὲ στρατόπεδον ἐπηλάλαξε, συνευχομένων ἁπάντων ὑπὲρ τῆσ εἰσ οἶκον σωτηρίασ. τοῦτο δ’ ἔπραξεν Ἀγαθοκλῆσ μάλιστα μὲν ἕνεκα τοῦ συναναγκάσαι τοὺσ στρατιώτασ ἐν τοῖσ κινδύνοισ ἐπιλαθέσθαι τὸ παράπαν τῆσ φυγῆσ·

δῆλον γὰρ ὅτι τῆσ ἐπὶ τὰσ ναῦσ καταφυγῆσ ἀποκοπείσησ ἐν μόνῳ τῷ νικᾶν ἕξουσι τὰσ ἐλπίδασ τῆσ σωτηρίασ· ἔπειτα καὶ δύναμιν ὀλίγην ἔχων ἐθεώρει διότι φυλάσσων μὲν τὰσ ναῦσ ἀναγκασθήσεται μερίζειν τὸ στρατόπεδον καὶ μηδαμῶσ ἀξιόμαχοσ εἶναι, καταλιπὼν δ’ ἐρήμουσ ὑποχειρίουσ ποιήσει γενέσθαι Καρχηδονίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 7

(디오도로스 시켈로스, Bibliotheca Historica, Books XVIII-XX, book 20, chapter 7)

상위

목록

SEARCH

MENU NAVIGATION