헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 36)

ἐν δὲ τῇ Ῥώμῃ κατὰ τοῦτον τὸν ἐνιαυτὸν τιμητὰσ εἵλοντο καὶ τούτων ὁ ἕτεροσ Ἄππιοσ Κλαύδιοσ ὑπήκοον ἔχων τὸν συνάρχοντα Λεύκιον Πλαύτιον πολλὰ τῶν πατρῴων νομίμων ἐκίνησε· τῷ δήμῳ γὰρ τὸ κεχαρισμένον ποιῶν οὐδένα λόγον ἐποιεῖτο τῆσ συγκλήτου. καὶ πρῶτον μὲν τὸ καλούμενον Ἄππιον ὕδωρ ἀπὸ σταδίων ὀγδοήκοντα κατήγαγεν εἰσ τὴν Ῥώμην καὶ πολλὰ τῶν δημοσίων χρημάτων εἰσ ταύτην τὴν κατασκευὴν ἀνήλωσεν ἄνευ δόγματοσ τῆσ συγκλήτου· μετὰ δὲ ταῦτα τῆσ ἀφ’ ἑαυτοῦ κληθείσησ Ἀππίασ ὁδοῦ τὸ πλεῖον μέροσ λίθοισ στερεοῖσ κατέστρωσεν ἀπὸ Ῥώμησ μέχρι Καπύησ, ὄντοσ τοῦ διαστήματοσ σταδίων πλειόνων ἢ χιλίων, καὶ τῶν τόπων τοὺσ μὲν ὑπερέχοντασ διασκάψασ, τοὺσ δὲ φαραγγώδεισ ἢ κοίλουσ ἀναλήμμασιν ἀξιολόγοισ ἐξισώσασ κατηνάλωσεν ἁπάσασ τὰσ δημοσίασ προσόδουσ, αὑτοῦ δὲ μνημεῖον ἀθάνατον κατέλιπεν, εἰσ κοινὴν εὐχρηστίαν φιλοτιμηθείσ.

κατέμιξε δὲ καὶ τὴν σύγκλητον, οὐ τοὺσ εὐγενεῖσ καὶ προέχοντασ τοῖσ ἀξιώμασι προσγράφων μόνον, ὡσ ἦν ἔθοσ, ἀλλὰ πολλοὺσ καὶ τῶν ἀπελευθέρων υἱοὺσ ἀνέμιξεν· ἐφ’ οἷσ βαρέωσ ἔφερον οἱ καυχώμενοι ταῖσ εὐγενείαισ.

ἔδωκε δὲ τοῖσ πολίταισ καὶ τὴν ἐξουσίαν ἐν ὁποίᾳ τισ βούλεται φυλῇ τάττεσθαι καὶ ὅποι προαιροῖτο τιμήσασθαι.

τὸ δ’ ὅλον, ὁρῶν τεθησαυρισμένον κατ’ αὐτοῦ παρὰ τοῖσ ἐπιφανεστάτοισ τὸν φθόνον, ἐξέκλινε τὸ προσκόπτειν τισὶ τῶν ἄλλων πολιτῶν, ἀντίταγμα κατασκευάζων τῇ τῶν εὐγενῶν ἀλλοτριότητι τὴν παρὰ τῶν πολλῶν εὔνοιαν. καὶ κατὰ μὲν τὴν τῶν ἱππέων δοκιμασίαν οὐδενὸσ ἀφείλετο τὸν ἵππον, κατὰ δὲ τὴν τῶν συνέδρων καταγραφὴν οὐδένα τῶν ἀδοξούντων συγκλητικῶν ἐξέβαλεν, ὅπερ ἦν ἔθοσ ποιεῖν τοῖσ τιμηταῖσ.

εἶθ’ οἱ μὲν ὕπατοι διὰ τὸν φθόνον καὶ διὰ τὸ βούλεσθαι τοῖσ ἐπιφανεστάτοισ χαρίζεσθαι συνῆγον τὴν σύγκλητον οὐ τὴν ὑπὸ τούτου καταλεγεῖσαν, ἀλλὰ τὴν ὑπὸ τῶν προγεγενημένων τιμητῶν καταγραφεῖσαν· ὁ δὲ δῆμοσ τούτοισ μὲν ἀντιπράττων, τῷ δὲ Ἀππίῳ συμφιλοτιμούμενοσ καὶ τὴν τῶν συγγενῶν προαγωγὴν βεβαιῶσαι βουλόμενοσ ἀγορανόμον εἵλετο τῆσ ἐπιφανεστέρασ ἀγορανομίασ υἱὸν ἀπελευθέρου Γναῖον Φλάυιον, ὃσ πρῶτοσ Ῥωμαίων ἔτυχε ταύτησ τῆσ ἀρχῆσ πατρὸσ ὢν δεδουλευκότοσ.

ὁ δ’ Ἄππιοσ τῆσ ἀρχῆσ ἀπολυθεὶσ καὶ τὸν ἀπὸ τῆσ συγκλήτου φθόνον εὐλαβηθεὶσ προσεποιήθη τυφλὸσ εἶναι καὶ κατ’ οἰκίαν ἔμενεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 36

(디오도로스 시켈로스, Bibliotheca Historica, Books XVIII-XX, book 20, chapter 36)

상위

목록

SEARCH

MENU NAVIGATION