Diodorus Siculus, Bibliotheca Historica, Books XVIII-XX, book 20, chapter 68

(디오도로스 시켈로스, Bibliotheca Historica, Books XVIII-XX, book 20, chapter 68)

Ἀγαθοκλῆσ δέ, μετὰ τὴν γενομένην ἀτυχίαν τῶν μὲν Λιβύων ἁπάντων ἀποστάντων ἀπ’ αὐτοῦ, τῆσ δὲ ὑπολειπομένησ δυνάμεωσ ἀδυνατούσησ διαπολεμεῖν πρὸσ τοὺσ Καρχηδονίουσ διέγνω τὴν Λιβύην ἐκλιπεῖν. διακομίσαι δὲ τοὺσ στρατιώτασ οὐχ ὑπελάμβανεν δυνήσεσθαι διὰ τὸ μήτε πόρια παρεσκευάσθαι μήτε τοὺσ Καρχηδονίουσ ἐπιτρέψαι ποτ’ ἂν θαλασσοκρατοῦντασ. διαλύσεισ δ’ οὐκ ἐνόμιζε ποιήσεσθαι τοὺσ βαρβάρουσ, πολὺ προέχοντασ ταῖσ δυνάμεσι καὶ διαβεβαιουμένουσ ταῖσ τῶν πρῶτον διαβάντων ἀπωλείαισ ἀποτρέψαι τοὺσ ἄλλουσ ἐπιτίθεσθαι τῇ Λιβύῃ.

ἔκρινεν οὖν μετ’ ὀλίγων λάθρᾳ ποιήσασθαι τὴν ἀναγωγὴν καὶ συνενεβίβασε τὸν νεώτερον τῶν υἱῶν Ἡρακλείδην·

τὸν γὰρ Ἀρχάγαθον εὐλαβεῖτο μήποτε συνὼν τῇ μητρυιᾷ καὶ φύσει τολμηρὸσ ὢν ἐπιβουλὴν κατ’ αὐτοῦ συστήσῃ. ὁ δ’ Ἀρχάγαθοσ ὑποπτεύσασ αὐτοῦ τὴν ἐπίνοιαν παρετήρει τὸν ἔκπλουν, διανοούμενοσ μηνῦσαι τῶν ἡγεμόνων τοῖσ διακωλύσουσι τὴν ἐπιβολήν· ἡγεῖτο γὰρ δεινὸν εἶναι τὸ τῶν μὲν κινδύνων ἑαυτὸν προθύμωσ μετεσχηκέναι, προαγωνιζόμενον τοῦ πατρὸσ καὶ τἀδελφοῦ, τῆσ δὲ σωτηρίασ μόνον ἀποστερεῖσθαι, καταλειπόμενον ἔκδοτον τοῖσ πολεμίοισ. διὸ δὴ τοὺσ περὶ τὸν Ἀγαθοκλέα μέλλοντασ λάθρᾳ τὸν ἀπόπλουν ποιεῖσθαι νυκτὸσ ἐμήνυσέ τισι τῶν ἡγεμόνων.

οἱ δὲ συνδραμόντεσ οὐ μόνον διεκώλυσαν, ἀλλὰ καὶ τῷ πλήθει τὴν ῥᾳδιουργίαν ἐξέθηκαν·

일치하는 문장이 없습니다.

SEARCH

MENU NAVIGATION