헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 97)

ἔπειτα γενομένησ ἡμέρασ προσέταξε τοῖσ ὑπηρέταισ ἀθροῖσαι τὰ βέλη τὰ πεσόντα παρὰ τῶν Ῥοδίων, ἐκ τούτων βουλόμενοσ συλλογίσασθαι τῶν ἐν τῇ πόλει τὴν παρασκευήν. ὧν ταχὺ τὸ προσταχθὲν ποιησάντων ἠριθμήθησαν πυρφόροι μὲν τοῖσ μεγέθεσι παντοῖοι πλείουσ τῶν ὀκτακοσίων, ὀξυβελεῖσ δὲ οὐκ ἐλάττουσ τῶν χιλίων πεντακοσίων.

τοσούτων δὲ βελῶν ἐνεχθέντων ἐν βραχεῖ χρόνῳ νυκτὸσ ἐθαύμαζε τὴν χορηγίαν τῆσ πόλεωσ καὶ τὴν ἐν τούτοισ δαψίλειαν. τότε μὲν οὖν ὁ Δημήτριοσ κατεσκεύασε τὰ πεπονηκότα τῶν ἔργων καὶ περί τε τὴν ταφὴν τῶν τελευτησάντων καὶ τὴν θεραπείαν τῶν τραυματιῶν ἐγίνετο.

καθ’ ὃν δὴ χρόνον οἱ κατὰ τὴν πόλιν ἄνεσιν λαβόντεσ τῆσ ἀπὸ τῶν μηχανῶν βίασ ᾠκοδόμησαν τρίτον τεῖχοσ μηνοειδέσ, περιλαμβάνοντεσ τῇ μὲν περιφερείᾳ πάντα τὸν κινδυνεύοντα τόπον τοῦ τείχουσ·

οὐδὲν δ’ ἧττον καὶ τάφρῳ βαθείᾳ περιέλαβον τὸ πεπτωκὸσ τοῦ τείχουσ, ὅπωσ μὴ δύνηται ῥᾳδίωσ ὁ βασιλεὺσ ἐξ ἐφόδου μετὰ βάρουσ εἰσπεσεῖν εἰσ τὴν πόλιν. ἐξέπεμψαν δὲ καὶ ναῦσ τῶν ἄριστα πλεουσῶν, Ἀμύνταν ἐπιστήσαντεσ ἡγεμόνα, ὃσ ἐκπλεύσασ πρὸσ τὴν Περαίαν τῆσ Ἀσίασ ἐπεφάνη παραδόξωσ πειραταῖσ τισιν ἀπεσταλμένοισ ὑπὸ Δημητρίου.

οὗτοι δ’ εἶχον ἄφρακτα τρία, κράτιστοι δοκοῦντεσ εἶναι τῶν τῷ βασιλεῖ συστρατευόντων. γενομένησ δ’ ἐπ’ ὀλίγον χρόνον ναυμαχίασ οἱ Ῥόδιοι βιασάμενοι τῶν νεῶν αὐτάνδρων ἐκυρίευσαν, ἐν οἷσ ἦν καὶ Τιμοκλῆσ ὁ ἀρχιπειρατήσ. ἐπέπλευσαν δὲ καὶ τῶν ἐμπόρων τισὶ καὶ παρελόμενοι κέλητασ οὐκ ὀλίγουσ γέμοντασ σίτου τούτουσ τε καὶ τὰ τῶν πειρατῶν ἄφρακτα κατήγαγον εἰσ τὴν Ῥόδον νυκτόσ, λαθόντεσ τοὺσ πολεμίουσ.

ὁ δὲ Δημήτριοσ ἐπισκευάσασ τὰ πεπονηκότα τῶν ἔργων προσέβαλλε τῷ τείχει τὰσ μηχανὰσ καὶ πᾶσι τοῖσ βέλεσιν ἀφειδῶσ χρώμενοσ τοὺσ μὲν ἐπὶ ταῖσ ἐπάλξεσιν ἐφεστῶτασ ἀνεῖρξε, τοῖσ δὲ κριοῖσ τύπτων τὸ συνεχὲσ τοῦ τόπου δύο μὲν μεσοπύργια κατέβαλε, περὶ δὲ τὸν πύργον τὸν ἀνὰ μέσον τούτων φιλοτιμουμένοισ τοῖσ ἐκ τῆσ πόλεωσ ἰσχυροὶ καὶ συνεχεῖσ ἐκ διαδοχῆσ ἀγῶνεσ ἐγίνοντο, ὥστε καὶ τὸν στρατηγὸν αὐτῶν Ἀνανίαν ἐκθύμωσ ἀγωνισάμενον ἀναιρεθῆναι καὶ συχνοὺσ τῶν ἄλλων στρατιωτῶν ἀποθανεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 97

(디오도로스 시켈로스, Bibliotheca Historica, Books XVIII-XX, book 20, chapter 97)

상위

목록

SEARCH

MENU NAVIGATION