헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 89)

κατὰ δὲ τὴν Σικελίαν Ἀγαθοκλῆσ οὐ δυνάμενοσ διαλύσασθαι πρὸσ τοὺσ περὶ Δεινοκράτην φυγάδασ ἀνέζευξεν ἐπ’ αὐτοὺσ μεθ’ ἧσ εἶχε δυνάμεωσ, νομίζων ἀναγκαῖον ὑπάρχειν αὐτῷ διακινδυνεύειν καὶ παραβάλλεσθαι περὶ τῶν ὅλων. συνηκολούθουν δ’ αὐτῷ πεζοὶ μὲν οὐ πλείουσ τῶν πεντακισχιλίων, ἱππεῖσ δὲ εἰσ ὀκτακοσίουσ. οἱ δὲ περὶ Δεινοκράτην φυγάδεσ ὁρῶντεσ τὴν τῶν πολεμίων ὁρμὴν ἄσμενοι κατήντησαν εἰσ τὴν μάχην, ὄντεσ πολλαπλάσιοι·

πεζοὶ μὲν γὰρ ὑπῆρχον πλείουσ τῶν δισμυρίων καὶ πεντακισχιλίων, ἱππεῖσ δ’ οὐκ ἐλάττουσ τρισχιλίων. ἀντιστρατοπεδευσάντων δ’ αὐτῶν περὶ τὸ καλούμενον Τόργιον καὶ μετὰ ταῦτα παραταξαμένων ἐπ’ ὀλίγον μὲν χρόνον συνέστη καρτερὰ μάχη διὰ τὰσ ἀμφοτέρων προθυμίασ· μετὰ δὲ ταῦτα τῶν πρὸσ τὸν Δεινοκράτην διαφερομένων τινέσ, ὄντεσ πλείουσ τῶν δισχιλίων, μετεβάλοντο πρὸσ τὸν τύραννον καὶ τοῖσ φυγάσιν αἴτιοι κατέστησαν τῆσ ἥττησ. οἱ μὲν γὰρ μετ’ Ἀγαθοκλέουσ ὄντεσ πολὺ μᾶλλον ἐθάρρησαν, οἱ δὲ Δεινοκράτει συναγωνιζόμενοι κατεπλάγησαν καὶ νομίσαντεσ πλείουσ εἶναι τοὺσ ἀφισταμένουσ πρὸσ φυγὴν ὡρ́μησαν.

εἶθ’ ὁ μὲν Ἀγαθοκλῆσ διώξασ αὐτοὺσ μέχρι τινὸσ καὶ τοῦ φονεύειν ἀποσχόμενοσ διεπέμψατο πρὸσ τοὺσ ἡττημένουσ, ἀξιῶν παύσασθαι μὲν τῆσ διαφορᾶσ, καταπορευθῆναι δ’ εἰσ τὰσ πατρίδασ· εἰληφέναι γὰρ αὐτοὺσ πεῖραν τοῦ μηδέποτ’ ἂν δύνασθαι περιγενέσθαι τοὺσ φυγάδασ ἀγωνιζομένουσ πρὸσ αὐτόν, ὅτε καὶ νῦν πολλαπλασίουσ ὄντασ αὐτοὺσ ἡττῆσθαι. τῶν δὲ φυγάδων οἱ μὲν ἱππεῖσ ἅπαντεσ ἀπὸ τῆσ φυγῆσ διεσώθησαν εἰσ Ἄμβικασ χωρίον, τῶν δὲ πεζῶν ἔνιοι μὲν νυκτὸσ ἐπιγενομένησ διέδρασαν, οἱ δὲ πλείουσ καταλαβόμενοι λόφον καὶ τὴν μὲν ἐκ τοῦ διαγωνίζεσθαι νίκην ἀπελπίσαντεσ, ἐπιθυμοῦντεσ δὲ συγγενῶν καὶ φίλων καὶ πατρίδοσ καὶ τῶν ἐν ταύτῃ καλῶν διελύσαντο πρὸσ Ἀγαθοκλέα.

λαβόντων οὖν αὐτῶν πίστεισ καὶ καταβάντων ἀπό τινοσ ἐρυμνοῦ λόφου τὰ μὲν ὅπλα παρείλετο, τὴν δὲ δύναμιν περιστήσασ ἅπαντασ κατηκόντισεν, ὄντασ περὶ ἑπτακισχιλίουσ, ὡσ Τίμαιόσ φησιν, ὡσ δ’ ἔνιοι γράφουσιν, εἰσ τετρακισχιλίουσ·

ἀεὶ γὰρ ὁ τύραννοσ οὗτοσ πίστεωσ μὲν καὶ τῶν ὁρ́κων κατεφρόνει, τὴν δ’ ἰδίαν ἰσχὺν οὐκ ἐκ τῆσ περὶ αὐτὸν δυνάμεωσ, ἀλλ’ ἐκ τῆσ τῶν ὑποτεταγμένων ἀσθενείασ περιεποιεῖτο, πλεῖον δεδοικὼσ τοὺσ συμμάχουσ ἢ τοὺσ πολεμίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 89

(디오도로스 시켈로스, Bibliotheca Historica, Books XVIII-XX, book 20, chapter 89)

상위

목록

SEARCH

MENU NAVIGATION