헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 41)

ὁ δ’ οὖν Ὀφέλλασ, ἐπειδὴ πάντ’ αὐτῷ πρὸσ τὴν στρατείαν κατεσκεύαστο λαμπρῶσ, ἐξώρμησε μετὰ τῆσ δυνάμεωσ, ἔχων πεζοὺσ μὲν πλείουσ τῶν μυρίων, ἱππεῖσ δὲ ἑξακοσίουσ, ἁρ́ματα δὲ ἑκατόν, ἡνιόχουσ δὲ καὶ παραβάτασ πλείουσ τῶν τριακοσίων. ἠκολούθουν δὲ καὶ τῶν ἔξω τάξεωσ λεγομένων οὐκ ἐλάττουσ μυρίων· πολλοὶ δὲ τούτων τέκνα καὶ γυναῖκασ καὶ τὴν ἄλλην παρασκευὴν ἦγον, ὥστε ἐμφερῆ τὴν στρατιὰν ὑπάρχειν ἀποικίᾳ. ὀκτωκαίδεκα μὲν οὖν ἡμέρασ ὁδοιπορήσαντεσ καὶ διελθόντεσ σταδίουσ τρισχιλίουσ κατεσκήνωσαν περὶ Αὐτόμαλα·

ἐντεῦθεν δὲ πορευομένοισ ὑπῆρχεν ὄροσ ἐξ ἀμφοτέρων τῶν μερῶν ἀπόκρημνον, ἐν μέσῳ δ’ ἔχον φάραγγα βαθεῖαν, ἐξ ἧσ ἀνέτεινε λισσὴ πέτρα πρὸσ ὀρθὸν ἀνατείνουσα σκόπελον· περὶ δὲ τὴν ῥίζαν αὐτῆσ ἄντρον ἦν εὐμέγεθεσ, κιττῷ καὶ σμίλακι συνηρεφέσ, ἐν ᾧ μυθεύουσι γεγονέναι βασίλισσαν Λάμιαν τῷ κάλλει διαφέρουσαν·

διὰ δὲ τὴν τῆσ ψυχῆσ ἀγριότητα διατετυπῶσθαί φασι τὴν ὄψιν αὐτῆσ τὸν μετὰ ταῦτα χρόνον θηριώδη. τῶν γὰρ γινομένων αὐτῇ παίδων ἁπάντων τελευτώντων βαρυθυμοῦσαν ἐπὶ τῷ πάθει καὶ φθονοῦσαν ταῖσ τῶν ἄλλων γυναικῶν εὐτεκνίαισ κελεύειν ἐκ τῶν ἀγκαλῶν ἐξαρπάζεσθαι τὰ βρέφη καὶ παραχρῆμα ἀποκτέννειν. διὸ καὶ καθ’ ἡμᾶσ μέχρι τοῦ νῦν βίου παρὰ τοῖσ νηπίοισ διαμένειν τὴν περὶ τῆσ γυναικὸσ ταύτησ φήμην καὶ φοβερωτάτην αὐτοῖσ εἶναι τὴν ταύτησ προσηγορίαν.

ὅτε δὲ μεθύσκοιτο, τὴν ἄδειαν διδόναι πᾶσιν ἃ βούλοιντο ποιεῖν ἀπαρατηρήτωσ.

μὴ πολυπραγμονούσησ οὖν αὐτῆσ κατ’ ἐκεῖνον τὸν χρόνον τὰ γινόμενα τοὺσ κατὰ τὴν χώραν ὑπολαμβάνειν μὴ βλέπειν αὐτήν· καὶ διὰ τοῦτ’ ἐμυθολόγησάν τινεσ ὡσ εἰσ ἄρσιχον ἐμβάλοι τοὺσ ὀφθαλμούσ, τὴν ἐν οἴνῳ συντελουμένην ὀλιγωρίαν εἰσ τὸ προειρημένον μέτρον μεταφέροντεσ, ὡσ τούτου παρῃρημένου τὴν ὁρ́ασιν. ὅτι δὲ κατὰ τὴν Λιβύην γέγονεν αὕτη καὶ τὸν Εὐριπίδην δείξαι τισ ἂν μαρτυροῦντα·

λέγει γὰρ τίσ τοὔνομα τὸ ἐπονείδιστον βροτοῖσ οὐκ οἶδε Λαμίασ τῆσ Λιβυστικῆσ γένοσ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 41

(디오도로스 시켈로스, Bibliotheca Historica, Books XVIII-XX, book 20, chapter 41)

상위

목록

SEARCH

MENU NAVIGATION