Diodorus Siculus, Bibliotheca Historica, Books XVIII-XX, book 20, chapter 6

(디오도로스 시켈로스, Bibliotheca Historica, Books XVIII-XX, book 20, chapter 6)

ἓξ δ’ ἡμέρασ καὶ τὰσ ἴσασ νύκτασ αὐτῶν πλευσάντων ὑποφαινούσησ τῆσ ἑώ παραδόξωσ ὁ στόλοσ τῶν Καρχηδονίων οὐκ ἄπωθεν ὢν ἑωράθη. διόπερ ἀμφοτέροισ ἐμπεσούσησ σπουδῆσ ἡμιλλῶντο πρὸσ ἀλλήλουσ ταῖσ εἰρεσίαισ, οἱ μὲν Φοίνικεσ νομίζοντεσ ἅμα τῇ τῶν νεῶν ἁλώσει Συρακούσσασ μὲν ὑποχειρίουσ ἕξειν, τὴν δὲ πατρίδα μεγάλων ἐλευθερώσειν κινδύνων· οἱ δ’ Ἕλληνεσ, εἰ μὴ φθάσειαν τῆσ χώρασ ἁψάμενοι, προκειμένην ἑώρων αὑτοῖσ μὲν τιμωρίαν, τοῖσ δὲ καταλειφθεῖσιν ἐν οἴκῳ τὰ τῆσ δουλείασ δεινά. καθορωμένησ δὲ τῆσ Λιβύησ παρακελευσμὸσ ἐγίνετο τοῖσ πληρώμασι καὶ φιλοτιμίασ ὑπερβολή·

καὶ τάχιον μὲν ἄπλεον αἱ τῶν βαρβάρων, ἐν πολυχρονίῳ μελέτῃ τῶν ἐρετῶν διαπεπονημένων, ἱκανὸν δὲ διάστημα προεῖχον αἱ τῶν Ἑλλήνων. ὀξύτατα δὲ τοῦ πλοῦ διανυσθέντοσ, ἐπειδὴ πλησίον ἐγενήθησαν τῆσ γῆσ, συνεξέπιπτον ἀλλήλοισ εἰσ τὸν αἰγιαλὸν ὡσπερεί τινεσ ἀγωνισταί· ταῖσ γὰρ ἐσχάταισ τῶν Ἀγαθοκλέουσ αἱ πρῶται τῶν Καρχηδονίων ἐνέβαλλον ἐντὸσ βέλουσ οὖσαι.

διόπερ ἐπ’ ὀλίγον χρόνον τοῖσ τε τόξοισ καὶ σφενδόναισ διαγωνισαμένων αὐτῶν καὶ ναυσὶν ὀλίγαισ τῶν βαρβάρων συμπλακέντων οἱ περὶ τὸν Ἀγαθοκλέα προετέρουν, τὸ τῶν στρατιωτῶν ἔχοντεσ πλῆθοσ. εἶθ’ οἱ μὲν Καρχηδόνιοι πρύμναν ἀνακρουσάμενοι μικρὸν ἔξω βέλουσ ἐφώρμουν, ὁ δ’ Ἀγαθοκλῆσ ἀποβιβάσασ τὴν δύναμιν πρὸσ τὰσ καλουμένασ Λατομίασ καὶ χάρακα βαλόμενοσ ἐκ θαλάττησ εἰσ θάλατταν ἐνεώλκησε τὰσ ναῦσ.

일치하는 문장이 없습니다.

SEARCH

MENU NAVIGATION