헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 35)

τῶν γὰρ Τυρρηνῶν στρατευσάντων ἐπὶ πόλιν Σούτριον ἄποικον Ῥωμαίων οἱ μὲν ὕπατοι δυνάμεσιν ἁδραῖσ ἐκβοηθήσαντεσ ἐνίκησαν μάχῃ τοὺσ Τυρρηνοὺσ καὶ συνεδίωξαν εἰσ τὴν παρεμβολήν, οἱ δὲ Σαυνῖται κατὰ τοῦτον τὸν χρόνον μακρὰν ἀπηρτημένησ τῆσ Ῥωμαίων δυνάμεωσ ἀδεῶσ ἐπόρθουν τῶν Ιἀπύγων τοὺσ τὰ Ῥωμαίων φρονοῦντασ. διόπερ ἠναγκάσθησαν οἱ ὕπατοι διαιρεῖν τὰσ δυνάμεισ καὶ Φάβιοσ μὲν ἐν τῇ Τυρρηνίᾳ κατέμεινεν, Μάρκιοσ δὲ ἐπὶ τοὺσ Σαυνίτασ ἀναζεύξασ Ἀλλίφασ μὲν πόλιν εἷλεν κατὰ κράτοσ, τοὺσ δὲ πολιορκουμένουσ τῶν συμμάχων ἐκ τῶν κινδύνων ἐρρύσατο.

ὁ δὲ Φάβιοσ Τυρρηνῶν πολλοῖσ πλήθεσιν ἐπὶ τὸ Σούτριον συνδραμόντων ἔλαθε τοὺσ πολεμίουσ διὰ τῆσ τῶν ὁμόρων χώρασ ἐμβαλὼν εἰσ τὴν ἀνωτέρω Τυρρηνίαν, ἀπόρθητον γενομένην πολλῶν χρόνων·

ἐπιπεσὼν δὲ ἀνελπίστωσ τῆσ τε χώρασ πολλὴν ἐδῄωσε καὶ τοὺσ ἐπελθόντασ τῶν ἐγχωρίων νικήσασ πολλοὺσ μὲν ἀνεῖλεν, οὐκ ὀλίγουσ δὲ καὶ ζῶντασ ὑποχειρίουσ ἔλαβεν.

μετὰ δὲ ταῦτα περὶ τὴν καλουμένην Περυσίαν δευτέρᾳ μάχῃ τῶν Τυρρηνῶν κρατήσασ, πολλοὺσ ἀνελὼν κατεπλήξατο τὸ ἔθνοσ, πρῶτοσ Ῥωμαίων μετὰ δυνάμεωσ ἐμβεβληκὼσ εἰσ τοὺσ τόπουσ τούτουσ. καὶ πρὸσ μὲν Ἀρρητινοὺσ καὶ Κροτωνιάτασ, ἔτι δὲ Περυσίνουσ ἀνοχὰσ ἐποιήσατο·

πόλιν δὲ τὴν ὀνομαζομένην Καστόλαν ἐκπολιορκήσασ συνηνάγκασε τοὺσ Τυρρηνοὺσ λῦσαι τὴν τοῦ Σουτρίου πολιορκίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 35

(디오도로스 시켈로스, Bibliotheca Historica, Books XVIII-XX, book 20, chapter 35)

상위

목록

SEARCH

MENU NAVIGATION