헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 48)

Δημήτριοσ δὲ τήν τε τῶν Σαλαμινίων ὁρῶν πόλιν οὐκ εὐκαταφρόνητον οὖσαν καὶ στρατιωτῶν πλῆθοσ ὑπάρχον ἐν αὐτῇ τῶν ἀμυνομένων ἔκρινε μηχανάσ τε τοῖσ μεγέθεσιν ὑπεραιρούσασ κατασκευάζειν καὶ καταπέλτασ ὀξυβελεῖσ καὶ λιθοβόλουσ παντοίουσ καὶ τὴν ἄλλην κατασκευὴν καταπληκτικήν. μετεπέμψατο δὲ καὶ τεχνίτασ ἐκ τῆσ Ἀσίασ καὶ σίδηρον, ἔτι δ’ ὕλησ πλῆθοσ καὶ τῆσ ἄλλησ χορηγίασ τὴν ἐπιτήδειον κατασκευήν. ταχὺ δὲ πάντων εὐτρεπῶν αὐτῷ γενομένων συνέπηξε μηχανὴν τὴν ὀνομαζομένην ἑλέπολιν, τὸ πλάτοσ ἔχουσαν ἑκάστην πλευρὰν τεσσαράκοντα καὶ πέντε πήχεισ, τὸ δ’ ὕψοσ πηχῶν ἐννενήκοντα, διειλημμένην στέγαισ ἐννέα, ὑπότροχον δὲ πᾶσαν τροχοῖσ στερεοῖσ τέσσαρσιν ὀκταπήχεσι τὸ ὕψοσ.

κατεσκεύασε δὲ καὶ κριοὺσ ὑπερμεγέθεισ καὶ χελώνασ δύο κριοφόρουσ.

τῆσ δ’ ἑλεπόλεωσ εἰσ μὲν τὰσ κάτων στέγασ εἰσήνεγκε πετροβόλουσ παντοίουσ, ὧν ἦσαν οἱ μέγιστοι τριτάλαντοι, εἰσ δὲ τὰσ μέσασ καταπέλτασ ὀξυβελεῖσ μεγίστουσ, εἰσ δὲ τὰσ ἀνωτάτασ ὀξυβελεῖσ τε τοὺσ ἐλαχίστουσ καὶ πετροβόλων πλῆθοσ, ἄνδρασ τε τοὺσ χρησομένουσ τούτοισ κατὰ τρόπον πλείουσ τῶν διακοσίων. προσαγαγὼν δὲ τὰσ μηχανὰσ τῇ πόλει καὶ πυκνοῖσ χρώμενοσ τοῖσ βέλεσι τῇ μὲν τὰσ ἐπάλξεισ ἀπέσυρε τοῖσ πετροβόλοισ, τῇ δὲ τὰ τείχη διέσεισε τοῖσ κριοῖσ.

ἀμυνομένων δὲ καὶ τῶν ἔνδον εὐρώστωσ καὶ τοῖσ μηχανήμασιν ἑτέρασ μηχανὰσ ἀντιταττόντων ἐφ’ ἡμέρασ μέν τινασ ἀμφίδοξοσ ἦν ὁ κίνδυνοσ, ἀμφοτέρων κακοπαθούντων καὶ κατατραυματιζομένων·

τὸ δὲ τελευταῖον τοῦ τείχουσ πίπτοντοσ καὶ τῆσ πόλεωσ κινδυνευούσησ ἁλῶναι κατὰ κράτοσ νυκτὸσ ἐπιγενομένησ ἔληξε τὰ τῆσ τειχομαχίασ. οἱ δὲ περὶ τὸν Μενέλαον ἀκριβῶσ εἰδότεσ ἁλωσομένην τὴν πόλιν, εἰ μή τι καινοτομεῖν ἐπιχειρήσειαν, ἤθροισαν ὕλησ ξηρᾶσ πλῆθοσ, ταύτην δὲ περὶ τὸ μεσονύκτιον ἐμβαλόντεσ ταῖσ τῶν πολεμίων μηχαναῖσ καὶ ἅμα πάντασ τοὺσ πυρσοφόρουσ ἀπὸ τῶν τειχῶν ἀφέντεσ ἀνῆψαν τὰ μέγιστα τῶν ἔργων.

ἄφνω δὲ τῆσ φλογὸσ εἰσ ὕψοσ ἀρθείσησ οἱ περὶ τὸν Δημήτριον ἐπεχείρησαν μὲν βοηθεῖν, τοῦ δὲ πυρὸσ καταταχήσαντοσ συνέβη τὰσ μηχανὰσ κατακαυθῆναι καὶ πολλοὺσ τῶν ἐν αὐταῖσ ὄντων διαφθαρῆναι.

ὁ δὲ Δημήτριοσ ἀποσφαλεὶσ τῆσ ἐλπίδοσ οὐδ’ ὣσ ἔληγεν, ἀλλὰ προσεκαρτέρει τῇ πολιορκίᾳ καὶ κατὰ γῆν καὶ κατὰ θάλατταν, νομίζων τῷ χρόνῳ καταπολεμήσειν τοὺσ πολεμίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 48

(디오도로스 시켈로스, Bibliotheca Historica, Books XVIII-XX, book 20, chapter 48)

상위

목록

SEARCH

MENU NAVIGATION