Diodorus Siculus, Bibliotheca Historica, Books XVIII-XX, book 20, chapter 8

(디오도로스 시켈로스, Bibliotheca Historica, Books XVIII-XX, book 20, chapter 8)

οὐ μὴν ἀλλὰ τῶν νεῶν ἁπασῶν φλεγομένων καὶ τοῦ πυρὸσ πολὺν ἐπέχοντοσ τόπον ἔκπληξισ κατεῖχε τοὺσ Σικελιώτασ. ἐν ἀρχῇ μὲν γὰρ ὑπὸ τῆσ Ἀγαθοκλέουσ γοητείασ παραλογισθέντεσ καὶ τῆσ τῶν ἐγχειρουμένων ὀξύτητοσ ἀναθεώρησιν οὐ διδούσησ πάντεσ συγκατετίθεντο τοῖσ πραττομένοισ· τοῦ δὲ χρόνου τὸν περὶ ἑκάστων ἀναλογισμὸν παριστάντοσ εἰσ μεταμέλειαν ἐνέπιπτον καὶ τὸ μέγεθοσ τοῦ διείργοντοσ πελάγουσ ἀναλογιζόμενοι τὴν σωτηρίαν ἀπεγίνωσκον. ὁ δ’ Ἀγαθοκλῆσ σπεύδων ἀπαλλάξαι τῆσ ἀθυμίασ τοὺσ στρατιώτασ ἦγε τὴν δύναμιν ἐπὶ τὴν ὀνομαζομένην Μεγάλην πόλιν, οὖσαν Καρχηδονίων.

ἡ δ’ ἀνὰ μέσον χώρα, δι’ ἧσ ἦν ἀναγκαῖον πορευθῆναι, διείληπτο κηπείαισ καὶ παντοίαισ φυτουργίαισ, πολλῶν ὑδάτων διωχετευμένων καὶ πάντα τόπον ἀρδευόντων.

ἀγροικίαι τε συνεχεῖσ ὑπῆρχον, οἰκοδομαῖσ πολυτελέσι καὶ κονιάμασι διαπεπονημέναι καὶ τὸν τῶν κεκτημένων αὐτὰσ διασημαίνουσαι πλοῦτον. ἔγεμον δ’ αἱ μὲν ἐπαύλεισ πάντων τῶν πρὸσ ἀπόλαυσιν, ὡσ ἂν τῶν ἐγχωρίων ἐν εἰρήνῃ πολυχρονίῳ τεθησαυρικότων γεννημάτων ἀφθονίαν·

ἡ δὲ χώρα ἡ μὲν ἦν ἀμπελόφυτοσ, ἡ δὲ ἐλαιοφόροσ καὶ τῶν ἄλλων τῶν καρπίμων δένδρων ἀνάπλεωσ. ἐπὶ θάτερα δὲ μέρη τὸ πεδίον ἐνέμοντο βοῶν ἀγέλαι καὶ ποῖμναι καὶ τὰ πλησίον ἕλη φορβάδων ἵππων ἔγεμε. καθόλου δὲ παντοία τισ ἦν ἐν τοῖσ τόποισ εὐδαιμονία, τῶν ἐπιφανεστάτων Καρχηδονίων διειληφότων τὰσ κτήσεισ καὶ τοῖσ πλούτοισ πεφιλοκαληκότων πρὸσ ἀπόλαυσιν. διόπερ οἱ Σικελιῶται τό τε τῆσ χώρασ κάλλοσ καὶ τὴν εὐδαιμονίαν τὴν ἐν αὐτῇ θαυμάζοντεσ μετέωροι ταῖσ ἐλπίσιν ἐγένοντο, θεωροῦντεσ ἄξια τῶν κινδύνων ἔπαθλα τοῖσ νικῶσι προκείμενα.

ὁ δ’ Ἀγαθοκλῆσ ὁρῶν τοὺσ στρατιώτασ ἀναλαμβάνοντασ αὑτοὺσ ἐκ τῆσ ἀθυμίασ καὶ προθύμουσ ὄντασ εἰσ τοὺσ κινδύνουσ ἐξ ἐφόδου προσέβαλλε τοῖσ τείχεσιν.

ἀπροσδοκήτου δὲ τῆσ ἐπιθέσεωσ γενομένησ καὶ τῶν ἔνδον διὰ τὴν ἄγνοιαν καὶ τὴν τῶν πολεμικῶν ἀπειρίαν ὀλίγον ὑποστάντων χρόνον εἷλε τὴν πόλιν κατὰ κράτοσ· δοὺσ δὲ τοῖσ στρατιώταισ εἰσ ἁρπαγὴν ἐνέπλησε τὴν δύναμιν ὠφελείασ ἅμα καὶ θάρσουσ. εὐθὺ δὲ καὶ πρὸσ τὸν Λευκὸν Τύνητα καλούμενον ἀναζεύξασ ἐχειρώσατο τὴν πόλιν, ἀπέχουσαν Καρχηδόνοσ δισχιλίουσ σταδίουσ.

ἀμφοτέρασ δὲ τὰσ ἁλούσασ πόλεισ οἱ μὲν στρατιῶται διαφυλάττειν ἠβούλοντο καὶ τὰσ ὠφελείασ εἰσ αὐτὰσ ἀπετίθεντο· ὁ δ’ Ἀγαθοκλῆσ ἀκόλουθα τοῖσ προπεπραγμένοισ διανοηθεὶσ καὶ διδάξασ τὸ πλῆθοσ ὡσ οὐδεμίαν συμφέρει καταφυγὴν ἀπολιπεῖν, ἑώσ ἂν παρατάξει νικήσωσι, κατέστρεψέ τε τὰσ πόλεισ καὶ κατεστρατοπέδευσεν ἐν ὑπαίθρῳ.

일치하는 문장이 없습니다.

SEARCH

MENU NAVIGATION