헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 85)

πρὸσ τὰσ θέσεισ τῶν ὀργάνων δὲ ὁ Δημήτριοσ ἄφθονον ἔχων ἁπάντων χορηγίαν ἤρξατο κατασκευάζειν δύο χελώνασ, τὴν μὲν πρὸσ τοὺσ πετροβόλουσ, τὴν δὲ πρὸσ τοὺσ ὀξυβελεῖσ, ἀμφοτέρασ δὲ ταύτασ ἐπὶ δύο πλοίων φορτηγῶν διαβεβηκυίασ καὶ κατεζευγμένασ, δύο δὲ πύργουσ τετραστέγουσ ὑπερέχοντασ τοῖσ ὕψεσι τῶν ἐπὶ τοῦ λιμένοσ πύργων, ἑκάτερον δὲ τούτων ἐπὶ δύο πλοίων ἴσον βεβηκότα καὶ κατειλημμένον, ὅπωσ ἐν τῷ προσάγειν ἡ στάσισ ἑκατέρα τῶν πλευρῶν ἰσόρροπον ἔχῃ τὸ βάροσ. κατεσκεύασε δὲ καὶ χάρακα πλωτὸν ἐπὶ τετραπέδων ξύλων καθηλωμένον, ὅπωσ προπλέων οὗτοσ κωλύῃ τοὺσ πολεμίουσ ἐπιπλέοντασ ἐμβολὰσ διδόναι τοῖσ φέρουσι τὰσ μηχανὰσ πλοίοισ.

ἐν ὅσῳ δὲ ταῦτα τὴν συντέλειαν ἐλάμβανεν, ἀθροίσασ τοὺσ ἁδροτάτουσ τῶν λέμβων καὶ τούτουσ καταφράξασ σανίσι καὶ θυρίδασ κλειστὰσ κατασκευάσασ ἐνέθετο μὲν τῶν τρισπιθάμων ὀξυβελῶν τοὺσ πορρωτάτω βάλλοντασ καὶ τοὺσ τούτοισ κατὰ τρόπον χρησομένουσ, ἔτι δὲ τοξότασ Κρῆτασ, τὰσ δὲ ναῦσ προσαγαγὼν ἐντὸσ βέλουσ κατετίτρωσκε τοὺσ κατὰ τὴν πόλιν ὑψηλότερα τὰ παρὰ τὸν λιμένα τείχη κατασκευάζοντασ.

οἱ δὲ Ῥόδιοι θεωροῦντεσ τοῦ Δημητρίου τὴν πᾶσαν ἐπιβολὴν οὖσαν ἐπὶ τὸν λιμένα καὶ αὐτοὶ τὰ πρὸσ τὴν ἀσφάλειαν τούτου παρεσκευάζοντο.

δύο μὲν οὖν ἔστησαν μηχανὰσ ἐπὶ τοῦ χώματοσ, τρεῖσ δ’ ἐπὶ φορτηγῶν πλοίων πλησίον τῶν κλείθρων τοῦ μικροῦ λιμένοσ· ἐν δὲ ταύταισ ἔθηκαν πλῆθοσ ὀξυβελῶν καὶ πετροβόλων παντοίων τοῖσ μεγέθεσιν, ὅπωσ, ἐάν τε ἀποβιβάζωσιν οἱ πολέμιοι πρὸσ τὸ χῶμα στρατιώτασ ἄν τε τὰσ μηχανὰσ προσάγωσι, διὰ τούτων αὐτοὺσ εἴργεσθαι τῆσ ἐπιβολῆσ. ἐπέστησαν δὲ καὶ τοῖσ ὁρμοῦσι τῶν φορτηγῶν πλοίων ἐν τῷ λιμένι βελοστάσεισ οἰκείασ τοῖσ ἐπιτίθεσθαι μέλλουσι καταπέλταισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 85

(디오도로스 시켈로스, Bibliotheca Historica, Books XVIII-XX, book 20, chapter 85)

상위

목록

SEARCH

MENU NAVIGATION