헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 40)

ἀπὸ δὲ τῆσ μάχησ ταύτησ γενόμενοσ καὶ πάντα τῇ διανοίᾳ σκοπούμενοσ πρὸσ τὸ λαβεῖν τοὺσ Καρχηδονίουσ ὑποχειρίουσ ἐξέπεμψε πρεσβευτὴν Ὄρθωνα τὸν Συρακόσιον πρὸσ Ὀφέλλαν εἰσ Κυρήνην. οὗτοσ δ’ ἦν μὲν τῶν φίλων τῶν συνεστρατευμένων Ἀλεξάνδρῳ, κυριεύων δὲ τῶν περὶ Κυρήνην πόλεων καὶ δυνάμεωσ ἁδρᾶσ περιεβάλετο ταῖσ ἐλπίσι μείζονα δυναστείαν. τοιαύτην οὖν αὐτοῦ διάνοιαν ἔχοντοσ ἧκεν ὁ παρ’ Ἀγαθοκλέουσ πρεσβευτήσ, ἀξιῶν συγκαταπολεμῆσαι Καρχηδονίουσ·

ἀντὶ δὲ ταύτησ τῆσ χρείασ ἐπηγγέλλετο τὸν Ἀγαθοκλέα συγχωρήσειν αὐτῷ τῶν ἐν Λιβύῃ πραγμάτων κυριεύειν. εἶναι γὰρ ἱκανὴν αὐτῷ τὴν Σικελίαν, ἵν’ ἐξῇ τῶν ἀπὸ τῆσ Καρχηδόνοσ κινδύνων ἀπαλλαχθέντα μετ’ ἀδείασ κρατεῖν ἁπάσησ τῆσ νήσου·

παρακεῖσθαι δὲ καὶ τὴν Ἰταλίαν αὐτῷ πρὸσ ἐπαύξησιν τῆσ ἀρχῆσ, ἐὰν κρίνῃ μειζόνων ὀρέγεσθαι. τὴν μὲν γὰρ Λιβύην διεζευγμένην μεγάλῳ καὶ χαλεπῷ πελάγει μηδαμῶσ ἁρμόζειν αὐτῷ, εἰσ ἣν καὶ νῦν οὐ κατ’ ἐπιθυμίαν, ἀλλὰ κατ’ ἀνάγκην ἀφῖχθαι.

ὁ δὲ Ὀφέλλασ τῇ πάλαι βεβουλευμένῃ κρίσει προστεθείσησ τῆσ γενομένησ ἐλπίδοσ ἀσμένωσ ὑπήκουσε καὶ πρὸσ μὲν Ἀθηναίουσ περὶ συμμαχίασ διεπέμπετο, γεγαμηκὼσ Εὐθυδίκην τὴν Μιλτιάδου θυγατέρα τοῦ τὴν προσηγορίαν φέροντοσ εἰσ τὸν στρατηγήσαντα τῶν ἐν Μαραθῶνι νικησάντων.

διὰ δὴ ταύτην τὴν ἐπιγαμίαν καὶ τὴν ἄλλην σπουδήν, ἣν ὑπῆρχεν ἀποδεδειγμένοσ εἰσ τὴν πόλιν, καὶ πολλοὶ τῶν Ἀθηναίων προθύμωσ ὑπήκουσαν εἰσ τὴν στρατείαν.

οὐκ ὀλίγοι δὲ καὶ τῶν ἄλλων Ἑλλήνων ἔσπευδον κοινωνῆσαι τῆσ ἐπιβολῆσ, ἐλπίζοντεσ τήν τε κρατίστην τῆσ Λιβύησ κατακληρουχήσειν καὶ τὸν ἐν Καρχηδόνι διαρπάσειν πλοῦτον. τὰ μὲν γὰρ κατὰ τὴν Ἑλλάδα διὰ τοὺσ συνεχεῖσ πολέμουσ καὶ τὰσ τῶν δυναστῶν πρὸσ ἀλλήλουσ φιλοτιμίασ ἀσθενῆ καὶ ταπεινὰ καθειστήκει·

ὥσθ’ ὑπελάμβανον μὴ μόνον ἐγκρατεῖσ ἔσεσθαι πολλῶν ἀγαθῶν, ἀλλὰ καὶ τῶν παρόντων κακῶν ἀπαλλαγήσεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 40

(디오도로스 시켈로스, Bibliotheca Historica, Books XVIII-XX, book 20, chapter 40)

상위

목록

SEARCH

MENU NAVIGATION