Diodorus Siculus, Bibliotheca Historica, Books XVIII-XX, book 20, chapter 70

(디오도로스 시켈로스, Bibliotheca Historica, Books XVIII-XX, book 20, chapter 70)

τῆσ δ’ Ἀγαθοκλέουσ στρατείασ εἰσ Λιβύην ἐπισημήναιτ’ ἄν τισ τό τε παράδοξον καὶ τὴν εἰσ τὰ τέκνα γενομένην τιμωρίαν οἱο͂ν τῇ θείᾳ προνοίᾳ. ἐπὶ μὲν γὰρ τῆσ Σικελίασ ἡττηθεὶσ καὶ τὴν πλείστην τῆσ δυνάμεωσ ἀπολέσασ ἐπὶ τῆσ Λιβύησ μικρῷ μέρει τοὺσ προνενικηκότασ κατεπολέμησεν. καὶ τὰσ μὲν ἐν τῇ Σικελίᾳ πόλεισ ἁπάσασ ἀποβαλὼν πρὸσ Συρακούσσαισ ἐπολιορκεῖτο, κατὰ δὲ τὴν Λιβύην πασῶν τῶν ἄλλων πόλεων ἐγκρατὴσ γενόμενοσ εἰσ πολιορκίαν κατέκλεισε τοὺσ Καρχηδονίουσ, τῆσ τύχησ ὥσπερ ἐπίτηδεσ ἐπιδεικνυμένησ τὴν ἰδίαν δύναμιν ἐπὶ τῶν ἀπηλπισμένων.

εἰσ τηλικαύτην δ’ ὑπεροχὴν ἐλθόντοσ αὐτοῦ καὶ τὸν Ὀφέλλαν φονεύσαντοσ, ὄντα φίλον καὶ ξένον, φανερῶσ ἐπεσημήνατο τὸ δαιμόνιον ὡσ διὰ τὴν εἰσ τοῦτον παρανομίαν τῶν ὕστερον αὐτῷ γεγενημένων τὸ θεῖον ἐπιστήσαι·

τοῦ γὰρ αὐτοῦ μηνὸσ καὶ τῆσ αὐτῆσ ἡμέρασ Ὀφέλλαν ἀνελὼν παρέλαβε τὴν δύναμιν καὶ πάλιν τοὺσ υἱοὺσ ἀπολέσασ ἀπέβαλε τὸ στρατόπεδον. καὶ τὸ πάντων ἰδιώτατον, ὁ θεὸσ ὥσπερ ἀγαθὸσ νομοθέτησ διπλῆν ἔλαβε παρ’ αὐτοῦ τὴν κόλασιν·

ἕνα γὰρ φίλον ἀδίκωσ φονεύσασ δυεῖν υἱῶν ἐστερήθη, τῶν μετ’ Ὀφέλλα παραγενομένων προσενεγκάντων τὰσ χεῖρασ τοῖσ νεανίσκοισ. ταῦτα μὲν οὖν ἡμῖν εἰρήσθω πρὸσ τοὺσ καταφρονοῦντασ τῶν τοιούτων.

일치하는 문장이 없습니다.

SEARCH

MENU NAVIGATION