헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 95)

Δημήτριοσ δὲ τῶν τε μηχανῶν αὐτῷ τέλοσ ἐχουσῶν καὶ τοῦ πρὸσ τὸ τεῖχοσ τόπου παντὸσ ἀνακαθαρθέντοσ τὴν μὲν ἑλέπολιν μέσην ἔστησε, τὰσ δὲ χωστρίδασ χελώνασ ἐπιδιεῖλεν, οὔσασ ὀκτώ· κατέστησεν δ’ εἰσ ἑκάτερον μέροσ τῆσ μηχανῆσ τέτταρασ καὶ τούτων ἑκάστῃ συνῆψεν στοὰν μίαν εἰσ τὸ δύνασθαι μετ’ ἀσφαλείασ ἐπιτελεῖν τὸ προσταττόμενον τοὺσ εἰσιόντασ τε καὶ πάλιν ἐξιόντασ, κριοφόρουσ δὲ δύο πολλαπλασίασ τοῖσ μεγέθεσιν· εἶχε γὰρ ἑκατέραν πηχῶν ἑκατὸν εἴκοσι, σεσιδηρωμένην καὶ τὴν ἐμβολὴν ἔχουσαν παραπλησίαν νεὼσ ἐμβόλῳ, καὶ προωθουμένην μὲν εὐκινήτωσ, ὑπότροχον δὲ καὶ τὴν ἐναγώνιον ἐνέργειαν λαμβάνουσαν δἰ ἀνδρῶν οὐκ ἐλαττόνων ἢ χιλίων. ἐπὶ δὲ τοὺσ λιμένασ καὶ τοὺσ πλησίον τόπουσ ἀπέστειλε τὴν ναυτικὴν δύναμιν, πρὸσ δὲ τὸ λοιπὸν τεῖχοσ τὸ δυνάμενον προσβολὰσ δέξασθαι τὸ πεζὸν στρατόπεδον ἐπιδιεῖλεν.

ἔπειτα δὲ πρὸσ ἓν παρακέλευσμα καὶ σημεῖον πάντων συναλαλαξάντων πανταχόθεν τῇ πόλει προσβολὰσ ἐποιεῖτο.

διασείοντοσ δ’ αὐτοῦ τοῖσ κριοῖσ καὶ τοῖσ πετροβόλοισ τὰ τείχη παρεγενήθησαν Κνιδίων πρέσβεισ, ἀξιοῦντεσ ἐπισχεῖν καὶ πείσειν ἐπαγγελλόμενοι τοὺσ Ῥοδίουσ δέχεσθαι τὰ δυνατώτατα τῶν προσταγμάτων. ἀνέντοσ δὲ τοῦ βασιλέωσ καὶ τῶν πρέσβεων δεῦρο κἀκεῖσε πολλὰ διαλεχθέντων πέρασ οὐ δυναμένων συμφωνῆσαι πάλιν ἐνηργεῖτο τὰ τῆσ πολιορκίασ.

καὶ Δημήτριοσ μὲν κατέβαλε τὸν στερεώτατον τῶν πύργων, ᾠκοδομημένον ἐκ λίθων τετραπέδων, καὶ μεσοπύργιον ὅλον διέσεισεν, ὥστε μὴ δύνασθαι τοὺσ ἐν τῇ πόλει πάροδον ἔχειν ἐπὶ τὰσ ἐπάλξεισ κατὰ τοῦτον τὸν τόπον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 95

(디오도로스 시켈로스, Bibliotheca Historica, Books XVIII-XX, book 20, chapter 95)

상위

목록

SEARCH

MENU NAVIGATION