헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 50)

ὁ δὲ Δημήτριοσ κατανοήσασ τὸν ἐπίπλουν Ἀντισθένην μὲν τὸν ναύαρχον ἔχοντα ναῦσ δέκα τῶν πεντηρικῶν ἀπέλιπε κωλύσοντα τὰσ ἐκ τῆσ πόλεωσ ναῦσ ἐπεξιέναι πρὸσ τὴν ναυμαχίαν, ἔχοντοσ τοῦ λιμένοσ στενὸν τὸν ἔκπλουν, τοῖσ δ’ ἱππεῦσι προσέταξε παράγειν παρὰ τὸν αἰγιαλόν, ἵν’ ἐάν τι γένηται πταῖσμα, διασώσαιεν τοὺσ πρὸσ τὴν γῆν διανηξομένουσ. αὐτὸσ δ’ ἐκτάξασ τὰσ ναῦσ ἀπήντα τοῖσ πολεμίοισ, ἔχων τὰσ ἁπάσασ ὀκτὼ πλείουσ τῶν ἑκατὸν σὺν ταῖσ πληρωθείσαισ ἐκ τῶν χωρίων τῶν ληφθέντων·

τούτων δ’ ἦσαν αἱ μέγισται μὲν ἑπτήρεισ, αἱ πλεῖσται δὲ πεντήρεισ. καὶ τὸ μὲν εὐώνυμον κέρασ ἐπεῖχον ἑπτήρεισ ἑπτὰ Φοινίκων, τετρήρεισ δὲ τριάκοντα τῶν Ἀθηναίων, Μηδίου τοῦ ναυάρχου τὴν ἡγεμονίαν ἔχοντοσ·

ἐπίπλουσ δὲ τούτοισ ἔταξεν ἑξήρεισ δέκα καὶ πεντήρεισ ἄλλασ τοσαύτασ, διεγνωκὼσ ἰσχυρὸν κατασκευάσαι τοῦτο τὸ κέρασ ἐφ’ οὗ καὶ αὐτὸσ ἤμελλε διαγωνίζεσθαι. κατὰ μέσην δὲ τὴν τάξιν τὰ ἐλάχιστα τῶν σκαφῶν ἔστησεν, ὧν ἡγοῦντο Θεμίσων τε ὁ Σάμιοσ καὶ Μαρσύασ ὁ τὰσ Μακεδονικὰσ πράξεισ συνταξάμενοσ.

τὸ δὲ δεξιὸν εἶχε κέρασ Ἡγήσιππόσ τε ὁ Ἁλικαρνασσεὺσ καὶ Πλειστίασ ὁ Κῷοσ, ἀρχικυβερνήτησ ὢν τοῦ σύμπαντοσ στόλου. Πτολεμαῖοσ δὲ τὸ μὲν πρῶτον ἔτι νυκτὸσ ἐπέπλει κατὰ σπουδὴν ἐπὶ τὴν Σαλαμῖνα, νομίζων φθάσαι τοὺσ πολεμίουσ τὸν εἴσπλουν ποιησάμενοσ·

ὡσ δ’ ἡμέρασ ἐπιγενομένησ οὐ μακρὰν ὁ τῶν ἐναντίων στόλοσ ἐκτεταγμένοσ ἑωρᾶτο, καὶ αὐτὸσ τὰ πρὸσ τὴν ναυμαχίαν παρεσκευάζετο. τὰ μὲν οὖν πόρια πόρρωθεν ἐπακολουθεῖν παρήγγειλεν, τῶν δὲ ἄλλων νεῶν τὴν ἁρμόζουσαν τάξιν ποιησάμενοσ αὐτὸσ τὸ λαιὸν κέρασ διακατεῖχε, συναγωνιζομένων αὐτῷ τῶν μεγίστων σκαφῶν.

τοιαύτησ δὲ τῆσ διατάξεωσ γενομένησ εὐχὰσ ἑκάτεροι τοῖσ θεοῖσ ἐποιοῦντο, καθάπερ ἦν ἔθοσ, διὰ τῶν κελευστῶν, συνεπιλαβομένου καὶ τοῦ πλήθουσ τῇ φωνῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 50

(디오도로스 시켈로스, Bibliotheca Historica, Books XVIII-XX, book 20, chapter 50)

상위

목록

SEARCH

MENU NAVIGATION