헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 39)

ὁ δ’ Ἀγαθοκλῆσ ἀφεὶσ τὸ διώκειν τούτουσ ὡρ́μησεν ἐπὶ τοὺσ καταφυγόντασ βαρβάρουσ εἰσ τὴν παρεμβολὴν καὶ προσβιαζόμενοσ τόποισ προσάντεσι καὶ δυσπροσίτοισ οὐχ ἧττον ἔπασχεν ἢ διετίθει τοὺσ Καρχηδονίουσ. οὐ μὴν ἔληγε τῆσ τόλμησ, ἀλλὰ τῇ νίκῃ μετεωριζόμενοσ ἐνέκειτο, διαλαμβάνων κατὰ κράτοσ αἱρήσειν τὴν στρατοπεδείαν. ἐν τοσούτῳ δὲ τὸ τέλοσ τῆσ μάχησ καραδοκοῦντεσ οἱ Νομάδεσ ταῖσ μὲν τῶν Καρχηδονίων ἀποσκευαῖσ οὐχ οἱοῖ́ τε ἦσαν ἐπιθέσθαι διὰ τὸ τὰσ δυνάμεισ ἀμφοτέρασ πλησίον τῆσ παρεμβολῆσ ἀγωνίζεσθαι, ἐπὶ δὲ τὴν τῶν Ἑλλήνων στρατοπεδείαν ὡρ́μησαν, εἰδότεσ τὸν Ἀγαθοκλέα μακρὰν ἀπεσπασμένον.

ἐρήμου δ’ αὐτῆσ οὔσησ τῶν δυναμένων ἀμύνασθαι ῥᾳδίωσ ἐπιπεσόντεσ τοὺσ μὲν ἀντιστάντασ ὀλίγουσ ὄντασ ἀπέκτειναν, αἰχμαλώτων δὲ πλήθουσ καὶ τῆσ ἄλλησ ὠφελείασ ἐκυρίευσαν. ἃ δὴ πυθόμενοσ ὁ Ἀγαθοκλῆσ ἦγε κατὰ τάχοσ τὴν δύναμιν καὶ τινὰ μὲν τῶν ἀφηρπασμένων ἀνέσωσε, τῶν δὲ πλείστων οἱ Νομάδεσ ἐκυρίευον καὶ νυκτὸσ ἐπιγενομένησ μακρὰν ἑαυτοὺσ ἐξετόπισαν.

ὁ δὲ δυνάστησ στήσασ τρόπαιον τὰ μὲν λάφυρα διείλετο τοῖσ στρατιώταισ, ὅπωσ μηδεὶσ ἀγανακτήσῃ περὶ τῶν ἀπολωλότων, τοὺσ δ’ αἰχμαλώτουσ Ἕλληνασ τοὺσ συστρατευσαμένουσ τοῖσ Καρχηδονίοισ εἴσ τι φρούριον ἀπέθετο.

οὗτοι μὲν οὖν εὐλαβούμενοι τὴν ἀπὸ τοῦ δυνάστου τιμωρίαν νυκτὸσ ἐπέθεντο τοῖσ ἐν τῷ φρουρίῳ καὶ τῇ μάχῃ κρατούμενοι κατελάβοντο τόπον ἐρυμνόν, ὄντεσ οὐκ ἐλάττουσ τῶν χιλίων, ὧν ἦσαν Συρακόσιοι πλείουσ τῶν πεντακοσίων·

Ἀγαθοκλῆσ δὲ πυθόμενοσ τὸ πεπραγμένον ἧκε μετὰ τῆσ δυνάμεωσ καὶ καταβιβάσασ ὑποσπόνδουσ τοὺσ ἐπιθεμένουσ ἅπαντασ ἀπέσφαξεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 39

(디오도로스 시켈로스, Bibliotheca Historica, Books XVIII-XX, book 20, chapter 39)

상위

목록

SEARCH

MENU NAVIGATION