헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 31)

γεγονότων εὐτυχημάτων ἀπαγγελοῦντασ· ἡ δὲ τῶν Καρχηδονίων στρατιὰ μετὰ τὴν γενομένην συμφορὰν μαθοῦσα τὴν αἰτίαν τῶν ἀτυχημάτων μόγισ ἀπηλλάγη τῶν φόβων. ἀναρχίασ δ’ οὔσησ διέστησαν οἱ βάρβαροι πρὸσ τοὺσ Ἕλληνασ. οἱ μὲν οὖν φυγάδεσ μετὰ τῶν λοιπῶν Ἑλλήνων Δεινοκράτην στρατηγὸν ἀπέδειξαν, οἱ δὲ Καρχηδόνιοι τοῖσ δευτερεύουσι μετὰ τὸν στρατηγὸν τιμῇ τὴν ἡγεμονίαν ἐνεχείρισαν.

καθ’ ὃν δὴ χρόνον Ἀκραγαντῖνοι θεωροῦντεσ τὴν ἐν Σικελίᾳ κατάστασιν εὐφυεστάτην οὖσαν πρὸσ ἐπίθεσιν ἠμφισβήτησαν τῆσ κατὰ τὴν νῆσον ἡγεμονίασ· ὑπελάμβανον γὰρ Καρχηδονίουσ μὲν μόγισ ἀνθέξειν τῷ πρὸσ Ἀγαθοκλέα πολέμῳ, Δεινοκράτην δ’ εὐκαταγώνιστον εἶναι συνηθροικότα φυγαδικὴν στρατιάν, τοὺσ δ’ ἐν ταῖσ Συρακούσσαισ θλιβομένουσ τῇ σιτοδείᾳ μηδ’ ἐγχειρήσειν ἀμφισβητεῖν τῶν πρωτείων, τὸ δὲ μέγιστον, τὴν στρατείαν ἑαυτῶν ποιουμένων ἐπ’ ἐλευθερώσει τῶν πόλεων ἀσμένωσ ἅπαντασ ὑπακούσεσθαι διά τε τὸ πρὸσ τοὺσ βαρβάρουσ μίσοσ καὶ διὰ τὴν ἔμφυτον πᾶσιν ἐπιθυμίαν τῆσ αὐτονομίασ.

οὗτοι μὲν οὖν ἑλόμενοι στρατηγὸν Ξενόδικον καὶ τὴν ἁρμόζουσαν δόντεσ δύναμιν ἐξέπεμψαν ἐπὶ τὸν πόλεμον·

ὁ δὲ παραχρῆμα ἐπὶ τὴν Γέλαν ὁρμήσασ καὶ διά τινων ἰδιοξένων νυκτὸσ εἰσαχθεὶσ ἐκυρίευσε τῆσ πόλεωσ ἅμα καὶ δυνάμεωσ ἁδρᾶσ καὶ χρημάτων. ἐλευθερωθέντεσ οὖν οἱ Γελῷοι προθυμότατα πανδημεὶ συστρατεύοντεσ ἠλευθέρουν τὰσ πόλεισ.

διαβοηθείσησ δὲ τῆσ τῶν Ἀκραγαντίνων ἐπιβολῆσ κατὰ πᾶσαν τὴν νῆσον ἐνέπεσεν ὁρμὴ ταῖσ πόλεσι πρὸσ τὴν ἐλευθερίαν. καὶ πρῶτοι μὲν Ἐνναῖοι πέμψαντεσ τὴν πόλιν τοῖσ Ἀκραγαντίνοισ παρέδωκαν· οἱ δὲ ταύτην ἐλευθερώσαντεσ παρῆλθον ἐπὶ τὸν Ἐρβησσόν, φρουρᾶσ ἐν αὐτῷ παραφυλαττούσησ τὴν πόλιν. γενομένησ δὲ μάχησ ἰσχυρᾶσ καὶ τῶν πολιτικῶν συνεργησάντων συνέβη τὴν φρουρὰν ἁλῶναι καὶ πολλοὺσ μὲν πεσεῖν τῶν βαρβάρων, εἰσ πεντακοσίουσ δὲ θεμένουσ τὰ ὅπλα παραδοῦναι σφᾶσ αὐτούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 31

(디오도로스 시켈로스, Bibliotheca Historica, Books XVIII-XX, book 20, chapter 31)

상위

목록

SEARCH

MENU NAVIGATION