헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 56)

ἅμα δὲ τούτοισ πραττομένοισ Ξενόδοκοσ ὁ τῶν Ἀκραγαντίνων στρατηγὸσ πολλὰσ μὲν τῶν πόλεων ἠλευθερωκώσ, ἐλπίδασ δὲ μεγάλασ παρεσχηκὼσ τοῖσ Σικελιώταισ τῆσ καθ’ ὅλην τὴν νῆσον αὐτονομίασ ἐξήγαγε τὴν δύναμιν ἐπὶ τοὺσ Ἀγαθοκλέουσ στρατηγούσ, οὖσαν πεζῶν μὲν πλειόνων ἢ μυρίων, ἱππέων δὲ σχεδὸν χιλίων. οἱ δὲ περὶ Λεπτίνην καὶ Δημόφιλον ἐκ τῶν Συρακουσσῶν καὶ τῶν φρουρίων ἐπιλέξαντεσ ὅσουσ ἠδύναντο πλείστουσ ἀντεστρατοπέδευσαν πεζοῖσ μὲν ὀκτακισχιλίοισ καὶ διακοσίοισ, ἱππεῦσι δὲ χιλίοισ καὶ διακοσίοισ.

γενομένησ οὖν παρατάξεωσ ἰσχυρᾶσ ἡττηθεὶσ ὁ Ξενόδοκοσ ἔφυγεν εἰσ τὸν Ἀκράγαντα καὶ τῶν στρατιωτῶν ἀπέβαλεν οὐκ ἐλάττουσ τῶν χιλίων καὶ πεντακοσίων. οἱ μὲν οὖν Ἀκραγαντῖνοι ταύτῃ τῇ συμφορᾷ περιπεσόντεσ διέλυσαν ἑαυτῶν μὲν τὴν καλλίστην ἐπιβολήν, τῶν δὲ συμμάχων τὰσ τῆσ ἐλευθερίασ ἐλπίδασ·

Ἀγαθοκλῆσ δὲ τῆσ μάχησ ἄρτι γεγενημένησ καταπλεύσασ τῆσ Σικελίασ εἰσ Σελινοῦντα Ἡρακλεώτασ μὲν ἠλευθερωκότασ τὴν πόλιν ἠνάγκασε πάλιν ὑποτάττεσθαι, παρελθὼν δὲ ἐπὶ θάτερον μέροσ τῆσ νήσου Θερμίτασ μὲν προσαγαγόμενοσ ὑποσπόνδουσ ἀφῆκε τῶν Καρχηδονίων φρουρούντων ταύτην τὴν πόλιν, Κεφαλοίδιον δὲ ἐκπολιορκήσασ Λεπτίνην μὲν ταύτησ ἐπιμελητὴν ἀπέλιπεν, αὐτὸσ δὲ διὰ τῆσ μεσογείου ποιούμενοσ τὴν πορείαν ἐπεβάλετο μὲν νυκτὸσ εἰσ τὰ Κεντόριπα παρεισπεσεῖν εἰσδεχομένων αὐτόν τινων πολιτικῶν ἀνδρῶν, καταφανοῦσ δὲ τῆσ ἐπιβουλῆσ γενομένησ καὶ τῶν φρουρῶν παραβοηθησάντων ἐξέπεσεν ἐκ τῆσ πόλεωσ, ἀποβαλὼν τῶν στρατιωτῶν πλείουσ πεντακοσίων. μετὰ δὲ ταῦτά τινων ἐκ τῆσ Ἀπολλωνίασ μεταπεμπομένων αὐτὸν καὶ τὴν πατρίδα προδώσειν ἐπαγγελλομένων ἧκε πρὸσ τὴν πόλιν·

τῶν δὲ προδοτῶν καταφανῶν γενομένων καὶ κολασθέντων κατὰ μὲν πρώτην ἡμέραν πολιορκήσασ ἄπρακτοσ ἐγένετο, τῇ δ’ ὑστεραίᾳ πολλὰ κακοπαθήσασ καὶ συχνοὺσ ἀποβαλὼν μόλισ εἷλε τὴν πόλιν καὶ τῶν Ἀπολλωνιατῶν τοὺσ πλείστουσ ἀποσφάξασ διήρπασε τὰσ κτήσεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 56

(디오도로스 시켈로스, Bibliotheca Historica, Books XVIII-XX, book 20, chapter 56)

상위

목록

SEARCH

MENU NAVIGATION