Diodorus Siculus, Bibliotheca Historica, Books XVIII-XX, book 20, chapter 18

(디오도로스 시켈로스, Bibliotheca Historica, Books XVIII-XX, book 20, chapter 18)

ἀναζεύξαντοσ οὖν αὐτοῦ καὶ πλείουσ ἡμέρασ ὁδοιποροῦντοσ Καρχηδόνιοι τὴν ἐκ Σικελίασ διακομισθεῖσαν δύναμιν καὶ τὴν ἄλλην στρατιὰν προαγαγόντεσ πάλιν τὸν Τύνητα πολιορκεῖν ἐπεχείρησαν καὶ τῶν χωρίων οὐκ ὀλίγα τῶν ὑπὸ τοὺσ πολεμίουσ ὄντων ἀνεκτήσαντο. Ἀγαθοκλῆσ δέ, βιβλιαφόρων αὐτῷ παραγεγενημένων ἀπὸ τοῦ Τύνητοσ καὶ τὰ πεπραγμένα τοῖσ Φοίνιξι διασαφούντων, εὐθὺσ ἀνέστρεψεν. ὡσ δ’ ἀπέσχε τῶν πολεμίων σταδίουσ διακοσίουσ, κατεστρατοπέδευσε καὶ τοῖσ στρατιώταισ πυρὰ κάειν ἀπηγόρευσεν.

χρησάμενοσ δὲ νυκτοπορίᾳ προσέπεσεν ἅμ’ ἡμέρᾳ τοῖσ τε προνομεύουσι τὴν χώραν καὶ τοῖσ ἐκτὸσ τῆσ παρεμβολῆσ ἄνευ τάξεωσ πλανωμένοισ καὶ φονεύσασ μὲν ὑπὲρ δισχιλίουσ, ζωγρήσασ δ’ οὐκ ὀλίγουσ πολλὰ πρὸσ τὸ μέλλον ἐπλεονέκτησεν. οἱ γὰρ Καρχηδόνιοι τῆσ ἐκ Σικελίασ προσγενομένησ βοηθείασ καὶ τῶν κατὰ Λιβύην συμμάχων συναγωνιζομένων ἐδόκουν ὑπερέχειν τῶν περὶ τὸν Ἀγαθοκλέα·

τούτου δὲ ἐπὶ τοῦ προτερήματοσ γενομένου πάλιν συνεστάλη τὰ φρονήματα τῶν βαρβάρων. καὶ γὰρ Αἰλύμαν τὸν βασιλέα τῶν Λιβύων ἀποστάτην γενόμενον ἐνίκησεν μάχῃ καὶ τόν τε δυνάστην καὶ πολλοὺσ τῶν βαρβάρων ἀνεῖλεν. καὶ τὰ μὲν περὶ Σικελίαν καὶ Λιβύην ἐν τούτοισ ἦν.

일치하는 문장이 없습니다.

SEARCH

MENU NAVIGATION