호흡부호 보기
강세부호 보기
장단부호 보기
작은 Iota 보기
모든 부호 보기
ἀκούσασ γὰρ τὴν τῶν υἱῶν ἀναίρεσιν καὶ δι’ ὀργῆσ ἔχων ἅπαντασ τοὺσ ἀπολελειμμένουσ κατὰ Λιβύην ἔπεμψε τῶν φίλων τινὰσ εἰσ Συρακούσσασ πρὸσ Ἄντανδρον τὸν ἀδελφόν, διακελευσάμενοσ τοὺσ τῶν συστρατευσάντων ἐπὶ Καρχηδόνα συγγενεῖσ ἅπαντασ ἀποσφάξαι. ταχὺ δὲ τούτου τὸ προσταχθὲν ποιήσαντοσ ποικιλώτατον γενέσθαι συνέβη φόνον τῶν προγεγονότων·
οὐ γὰρ μόνον τοὺσ ἀκμάζοντασ ταῖσ ἡλικίαισ ἀδελφοὺσ ἢ πατέρασ ἢ παῖδασ ἐξῆγεν ἐπὶ τὸν θάνατον, ἀλλὰ καὶ πάππουσ καὶ τούτων, εἰ τύχοι, καὶ πατέρασ περιόντασ ἐσχατογήρουσ καὶ ταῖσ ὅλαισ αἰσθήσεσι διὰ τὸν χρόνον ἤδη παραλελυμένουσ, ἔτι δὲ νηπίουσ παῖδασ ἐν ἀγκάλαισ φερομένουσ καὶ τῆσ ἐπιφερομένησ αὐτοῖσ συμφορᾶσ οὐδεμίαν αἴσθησιν λαμβάνοντασ. ἤγοντο δὲ καὶ γυναῖκεσ ὅσαι μετεῖχον οἰκειότητοσ ἢ συγγενείασ καὶ καθόλου πᾶσ ὁ μέλλων τῇ καθ’ αὑτὸν τιμωρίᾳ λύπην ἐμποιῆσαι τοῖσ ἐπὶ τῆσ Λιβύησ ἀπολειφθεῖσι. πολλοῦ δὲ πλήθουσ καὶ παντοίου πρὸσ τὴν θάλατταν ἀχθέντοσ ἐπὶ τὴν τιμωρίαν καὶ τῶν σφαγέων ἐφεστώτων δάκρυα καὶ δεήσεισ καὶ θρῆνοσ ἐγίνετο συμφορητόσ, ὧν μὲν ἀνηλεῶσ φονευομένων, ὧν δὲ ἐπὶ ταῖσ τῶν πλησίον συμφοραῖσ ἐκπληττομένων καὶ διὰ τὸ προσδοκώμενον οὐδὲν διαφερόντων ταῖσ ψυχαῖσ τῶν προαποθνησκόντων.
τὸ δὲ πάντων χαλεπώτατον, πολλῶν ἀναιρεθέντων καὶ παρὰ τὸν αἰγιαλὸν ἐρριμμένων τῶν σωμάτων οὔτε συγγενὴσ οὐδεὶσ οὔτε φίλοσ ἐτόλμα τινὰ κηδεύειν, φοβούμενοσ μὴ δόξῃ προσαγγέλλειν ἑαυτὸν μετέχοντα τῆσ ἐκείνων οἰκειότητοσ.
διὰ δὲ τὸ πλῆθοσ τῶν φονευθέντων ἐπὶ τοῦ κύματοσ συνέβη τὴν θάλατταν ἐφ’ ἱκανὸν τόπον αἵματι κραθεῖσαν πόρρωθεν διαφαίνειν τὴν ὑπερβολὴν τῆσ τοῦ πάθουσ ὠμότητοσ.
호흡부호 보기
강세부호 보기
장단부호 보기
작은 Iota 보기
모든 부호 보기