헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 21)

Πτολεμαῖοσ δὲ τῶν ἐν Κύπρῳ πόλεων κυριεύων, ἐπειδή τινων ἐπύθετο Νικοκλέα τὸν βασιλέα τῶν Παφίων ἐν ἀπορρήτοισ ἰδίᾳ πρὸσ Ἀντίγονον συντεθεῖσθαι φιλίαν, ἔπεμψε τῶν φίλων Ἀργαῖον καὶ Καλλικράτην, προστάξασ αὐτοῖσ ἀνελεῖν τὸν Νικοκλέα· πάνυ γὰρ εὐλαβεῖτο μὴ καὶ τῶν ἄλλων τινὲσ ὁρμήσωσι πρὸσ μεταβολήν, ὁρῶντεσ ἀθῴουσ γεγονότασ τοὺσ πρότερον ἀφεστηκότασ. οὗτοι μὲν οὖν πλεύσαντεσ εἰσ τὴν νῆσον καὶ παρὰ Μενελάου τοῦ στρατηγοῦ στρατιώτασ λαβόντεσ περιέστησαν τὴν οἰκίαν τοῦ Νικοκλέουσ καὶ τὰ δόξαντα τῷ βασιλεῖ δηλώσαντεσ προσέταξαν ἑαυτὸν ἀπαλλάξαι τοῦ ζῆν. ὁ δὲ τὸ μὲν πρῶτον πρὸσ τὴν ἀπολογίαν ἐτρέπετο τῶν ἐγκαλουμένων·

ὡσ δ’ οὐδεὶσ προσεῖχεν, ἑαυτὸν ἀπέκτεινεν. Ἀξιοθέα δὲ ἡ γυνὴ τοῦ Νικοκλέουσ ἀκούσασα τὴν ἀνδρὸσ τελευτὴν τὰσ μὲν θυγατέρασ τὰσ ἑαυτῆσ παρθένουσ οὔσασ ἀπέσφαξεν, ὅπωσ μηδεὶσ αὐτῶν πολέμιοσ κυριεύσῃ, τὰσ δὲ τῶν ἀδελφῶν τῶν Νικοκλέουσ γυναῖκασ προετρέψατο μεθ’ αὑτῆσ ἑλέσθαι τὸν θάνατον, οὐδὲν συντεταχότοσ Πτολεμαίου περὶ τῶν γυναικῶν, ἀλλὰ συγκεχωρηκότοσ αὐταῖσ τὴν ἀσφάλειαν. τῶν δὲ βασιλείων πεπληρωμένων φόνων καὶ συμπτωμάτων ἀπροσδοκήτων οἱ τοῦ Νικοκλέουσ ἀδελφοὶ συγκλείσαντεσ τὰσ θύρασ τὴν μὲν οἰκίαν ἐνέπρησαν, ἑαυτοὺσ δ’ ἀπέσφαξαν.

ἡ μὲν οὖν τῶν ἐν Πάφῳ βασιλέων οἰκία τραγικοῖσ συγκυρήσασα πάθεσι τὸν εἰρημένον τρόπον κατελύθη. ἡμεῖσ δὲ τὴν ἀπαγγελίαν τῶν κατὰ τὴν Κύπρον γεγονότων διελθόντεσ ἐπὶ τὰσ συνεχεῖσ πράξεισ μεταβιβάσομεν τὸν λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 20, chapter 21

(디오도로스 시켈로스, Bibliotheca Historica, Books XVIII-XX, book 20, chapter 21)

상위

목록

SEARCH

MENU NAVIGATION