Diodorus Siculus, Bibliotheca Historica, Books XVIII-XX, book 20, chapter 77

(디오도로스 시켈로스, Bibliotheca Historica, Books XVIII-XX, book 20, chapter 77)

ἅμα δὲ τούτοισ πραττομένοισ Διονύσιοσ ὁ τῆσ Ἡρακλείασ τῆσ ἐν τῷ Πόντῳ τύραννοσ ἐτελεύτησεν ἄρξασ ἔτη τριάκοντα δύο, τὴν δὲ δυναστείαν διαδεξάμενοι οἱ υἱοὶ Ὀξάθρασ καὶ Κλέαρχοσ ἦρξαν ἔτη ἑπτακαίδεκα. κατὰ δὲ τὴν Σικελίαν Ἀγαθοκλῆσ ἐπῄει τὰσ ὑπ’ αὐτὸν πόλεισ ἀσφαλιζόμενοσ φρουραῖσ καὶ χρήματα πραττόμενοσ· σφόδρα γὰρ εὐλαβεῖτο μήποτε διὰ τὰσ γεγενημένασ περὶ αὐτὸν ἀτυχίασ ὁρμήσωσιν οἱ Σικελιῶται πρὸσ τὴν αὐτονομίαν. καθ’ ὃν δὴ χρόνον Πασίφιλοσ ὁ στρατηγόσ, ἀκούσασ τὴν τῶν Ἀγαθοκλέουσ υἱῶν ἀναίρεσιν καὶ τὰ περὶ τὴν Λιβύην ἐλαττώματα, τοῦ μὲν δυνάστου κατεφρόνησε, πρὸσ δὲ Δεινοκράτην ἀποστὰσ καὶ φιλίαν αὐτῷ συνθέμενοσ τάσ τε πόλεισ ἃσ ἦν πεπιστευμένοσ διακατέσχεν καὶ τὴν μετ’ αὐτοῦ δύναμιν ἐλπίσι ψυχαγωγήσασ ἀλλοτρίαν κατεσκεύασε τοῦ τυράννου.

ὁ δ’ Ἀγαθοκλῆσ πανταχόθεν τῶν ἐλπίδων περικοπτομένων οὕτωσ ἐταπεινώθη τὴν ψυχὴν ὥστε διαπρεσβεύσασθαι πρὸσ Δεινοκράτην καὶ παρακαλεῖν ἐπὶ τοῖσδε συνθήκασ ποιήσασθαι, ἐκχωρῆσαι μὲν τῆσ δυναστείασ Ἀγαθοκλέα, παραδοῦναι δὲ τὰσ Συρακούσσασ τοῖσ πολίταισ καὶ μηκέτι εἶναι φυγάδα Δεινοκράτην, ἐξαίρετα δὲ δοθῆναι τῶν ἐρυμάτων Ἀγαθοκλεῖ δύο, Θέρμα καὶ Κεφαλοίδιον καὶ τὴν χώραν τὴν τούτων.

일치하는 문장이 없습니다.

SEARCH

MENU NAVIGATION