호흡부호 보기
강세부호 보기
장단부호 보기
작은 Iota 보기
모든 부호 보기
ἅμα δὲ τούτοισ πραττομένοισ Πολυπέρχων περὶ Πελοπόννησον διατρίβων καὶ Κασάνδρῳ μὲν ἐγκαλῶν, τῆσ δὲ Μακεδόνων ἡγεμονίασ πάλαι ὀρεγόμενοσ ἐκ Περγάμου μετεπέμψατο τὸν ἐκ Βαρσίνησ Ἡρακλέα, ὃσ ἦν Ἀλεξάνδρου μὲν υἱόσ, τρεφόμενοσ δὲ ἐν Περγάμῳ, τὴν δ’ ἡλικίαν περὶ ἑπτακαίδεκα ἔτη γεγονώσ. ὁ δ’ οὖν Πολυπέρχων διαπέμπων πολλαχοῦ πρὸσ τοὺσ ἰδιοξένουσ καὶ τοὺσ ἀλλοτρίωσ διακειμένουσ πρὸσ Κάσανδρον ἠξίου κατάγειν τὸ μειράκιον ἐπὶ τὴν πατρῴαν βασιλείαν.
ἔγραψε δὲ καὶ πρὸσ τὸ κοινὸν τῶν Αἰτωλῶν, ἀξιῶν δίοδόν τε δοῦναι καὶ συστρατεύειν, ἐπαγγελλόμενοσ πολλαπλασίουσ χάριτασ ἀποδώσειν, ἐὰν συγκατάγωσι τὸ μειράκιον ἐπὶ τὴν πατρῴαν βασιλείαν.
τῶν δὲ πραγμάτων αὐτῷ κατὰ νοῦν γενομένων, προθύμωσ θ’ ὑπακουόντων τῶν Αἰτωλῶν καὶ πολλῶν ἄλλων συντρεχόντων ἐπὶ τὴν κάθοδον τοῦ βασιλέωσ οἱ σύμπαντεσ ἠθροίσθησαν πεζοὶ μὲν ὑπὲρ τοὺσ δισμυρίουσ, ἱππεῖσ δ’ οὐκ ἐλάττουσ χιλίων. καὶ Πολυπέρχων μὲν περὶ τὰσ εἰσ τὸν πόλεμον παρασκευὰσ γινόμενοσ χρήματά τε συνῆγε καὶ πρὸσ τοὺσ οἰκείωσ ἔχοντασ τῶν Μακεδόνων διαπεμπόμενοσ ἠξίου συνεργεῖν.
호흡부호 보기
강세부호 보기
장단부호 보기
작은 Iota 보기
모든 부호 보기